Trupat e Gardës Kombëtare u detyruan të evakuojnë ndërtesat e Kapitolit të Enjten dhe të rrijnë në garazhe parkimi, gjoja pasi një kongresmen demokrat u ankua për një anëtar të Gardës Kombëtare që nuk kishte maskë në një kafene në ndërtesë.
Sipas një burimi, Rep. Will Keating (D-MA) raportoi tek autoritetet e Kapitolit gjatë ditës, se një Gardian Kombëtare u pa në një Dunkin Donuts pa maskuar. Pasi Keating komentoi me zë të lartë se duhej të mbaheshin maska në çdo kohë në një ndërtesë federale, anëtari i Gardës Kombëtare u përgjigj, “Unë e vlerësoj lirinë time”.
Rreth 25,000 forca të Gardës Kombëtare u vendosën në Uashington, DC, për të ndihmuar autoritetet federale të zbatimit të ligjit për të mbrojtur inaugurimin e Joe Biden si president.
Përpara inaugurimit, mijëra forca u panë duke pushuar brenda Kapitolit. Disa anëtarë të Kongresit, duke përfshirë Rep Michael Waltz (R-FL) – vetë anëtar i Gardës Kombëtare – ju shperndau atyre pica. Një ditë pas inaugurimit, ata po zhvendosen në garazhe parkimi.
Politico raportoi se numri i anëtarëve të Gardës Kombëtare të detyruar të evakuonin Kapitolin ishte me “mijëra”, rreth 5,000 trupa të detyruar të qëndrojnë në një garazh parkimi pa internet dhe vetëm një prizë elektrike dhe një banjo.
“Dje dhjetra senatorë dhe kongresmenë ecën nëpër linjat tona duke bërë fotografi, duke na shtrënguar duart dhe duke na falënderuar për shërbimin tonë. Brenda 24 orësh, ata nuk kishin më nevoje për ne dhe na dëbuan te cepi i një garazhi parkimi. Ndihemi tepër të tradhtuar ”, tha një Gardian për Politico.