Një person ka humbur jetën ditën e sotme pas një aksidenti në aksin Korçë-Kapshticë.
Mësohet se një makinë ka përplasur një motorçikletë në fshatin Cangonj dhe për pasojë ka humbur jetën një person.
Viktima ende i paidentifikuar, ndërkohë policia dhe grupi hetimor janë në vendngjarje për të zbardhur rrethanat.
Njoftimi:
Devoll/Informacion paraprak
Më datë 24.08.2021, rreth orës 18:30, jemi njoftuar se në aksin rrugor Bilisht-Korçë, në afërsi të fshatit Cangonj, shtetasi A. K., 30 vjeç, duke drejtuar mjetin tip “Benz”, ka aksidentuar drejtuesin e një motoçiklete (ende i paidentifikuar) i cili për pasojë ka ndërruar jetë.
Me drejtuesin e mjetit, shtetasin A. K., po kryhen veprimet e mëtejshme procedurale.
Grupi hetimor po punon për identifikimin e viktimës dhe zbardhjen e rrethanave të aksidentit.