Identiteti i plotë i personit me iniciale S. Ç., që ndërroi jetë në spital në orët e vona të së enjtes, pasi u qëllua me armë zjarri në fshatin Reç të Malësisë së Madhe është zbuluar.
Burimet kanë konfirmuar se viktima që vdiq në spital quhet Sokol Çelaj.
Më herët, shërbimet e rendit njoftuan se Çelaj u qëllua me armë teksa po lëvizte me automjetin e tij dhe se u transportuar në spitalin e Shkodrës, ku edhe vdiq si pasojë e plagëve të shkaktuara.
“Më datë 26.08.2021, rreth orës 22:50, në fshatin Reç, Malësi e Madhe, në rrethana ende të paqarta është qëlluar me armë zjarri shtetasi S. Ç. i cili ka qenë duke lëvizur me automjetin e tij.
Shtetasi S.Ç, pasi është transportuar në spitalin e Shkodrês ka ndërruar jetë si pasojë e plagëve të marra.
Shërbimet e Policisë kanë ngritur pika kontrolli dhe vijon krehja e zonës për identifikimin dhe kapjen e autorëve.
Grupi hetimor nën drejtimin e Prokurorisë po vijon punën për sqarimin e rrethanave të kësaj ngjarja”, njoftoi policia.