Albina Roshi

Ditën e sotme, kryeministri Edi Rama është larguar nga Kuvendi.

Menjëherë pas fjalës së tij, në foltore ka dalë Lulzim Basha, I cili I është drejtuar zonjës Nikolla me fjalët:’’-Herës tjetër vendosini një gotë me ujë plot, në mënyrë që të mos I thahet fyti. ‘’

Gjatë fjalës së tij Basha tha se 5 shtete të BE kanë vendosur që të mos hapen negociatat me Shqipërinë, edhe në rast se Bullgaria e heq veton ndaj Maqedonisë së Veriut.

Sipas Bashës, 5 shtetet e BE-së po tregohen të pasinqerta me shqiptarët, pasi duhet të thonë se mos-hapja e negociatave bëhet për shkak se vendi ynë është kthyer në një nyje të trafikut të drogës.

Basha:

Zonja kryetare herën tjetër vendosni gotën me ujë përpara se e kishte fytin e thatë, se detyrohet të thojë të pavërteta. Në Slloveni 5 vende me shtetë kanë vendosur që të mos hapin negociatat edhe nëse Bullgaria vendos që të heq veton ndaj Maqedonisë së Veriut, sepse vendin e drejton një Lukashenko. 

Është shkarkuar drejtori I Përgjithshëm I Policisë së Shtetit, Ardi Veliu.

Me lajmin e publikuar në media rreth mesditës së sotme, për shkarkimin e Ardi Veliut nga posti, ka reaguar në rrjetet sociale gazetari Bledi Mane.

Bledi Mane shkruan se Veliu është shkarkuar nga detyra, ndërsa kandidati i mundshëm për ta zëvëndësuar është Gledis Nano.

Por, gjithashtu ai i ka dhënë një “shuplakë” ministrit të Brendshëm, Bledi Çuçi, pasi ky i fundit gjatë një raportimi në Komisionin e Sigurisë, i pyetur nëse është shkarkuar Veliu, është përgjigjur “Do e merrni vesh në kohën e duhur, kur ti mbarojë kandili”.

Gazetari Mane e ka cilësuar si fyese dhe cinike deklaratën e ministrit Çuçi.

“I pyetur sot në Komsionin Parlamentar të Sigurisë rreth shkarkimit të Dretjorit të Përgjithshëm të Policisë së Shtetit Ardi Veliu, minsitri i brendshëm Bledar Çuçi dha një përgjigje tejet cinike dhe fyese:

-Do u njoftojmë kur ti mbarojë vaji i kandilit!

Ndërkohë që nga momenti në moment pritet shuarja e kandilit me dorëheqjen e kryepolicit Veliu, kandidati më i mundshëm dhe më i besueshëm në postin e Drejtorit të Përgjithshëm të Policisë Shqiptare është Gledis Nano, një oficer karriere dhe specialisti më i mirë i antiterrorit, beniamin i ndërkombëtarëve edhe në luftën kundër krimit të organizuar.”-shkruan Bledi Mane

Në kuadër të mbledhjes së institutit për “Gratë dhe vajzat në politikat e sigurisë”, Ambasadorja e Shteteve të Bashkuara të Amerikës, Yuri Kim ka folur në lidhje me qasjen që ka SHBA me këtë kuadër.

Kim ka theksuar në deklaratën e saj se prioriteti I tyre është demokracia, mbrojtja dhe biznesi.

Më tej Kim është ndalur tek drejtësia, duke thënë se reforma në drejtësi kërkon institucione të sigurta.

SHBA është shumë e lumtur të punojë me gratë dhe vajzat të cilat angazhohen në politikat e sigurisë. Programi është i financuar nga Ambasada Amerikane dhe ne synojmë ta nxisim edhe me shumë pjesëmarrjen tuaj në këto politika”, është shprehur Kim.

Ish-ministri i Drejtësisë në Qeverinë “Rama 1”, Ylli Manjani i ka drejtuar kritika të forta sot Prokurorisë së Posaçme Kundër Krimit të Organizuar dhe Korrupsionit.

Në një postim në rrjetet sociale, Manjani shkruan se SPAK merret më shumë me ligjin antimafia sesa me korrupsionin se akt flagrance. Kjo sepse sipas tij, është më e thjeshta.

“Shqipëria ka në fuqi, prej vitesh, një ligj antimafia. Por asnjë mafioz nuk zumë dot me atë ligj!!!

Pas reformës në drejtësi, ai ligj përdoret për kundravajtës penalë më shumë sesa për mafiozë. Përdoret si presion e kërbaç ndaj zyrtarëve publike.

SPAK merret më shumë me ligjin antimafia sesa me korrupsionin se akt flagrance… Merret sepse është më i thjeshti. Ngre një dyshim, sekuestron pasuri dhe ja hedh barrën e provës të dyshuarit. Rehatllik juridik sa më ska!

Mirëpo ligji u bë për mafiozët jo për çdo dyshim arbitrar!!!

Ligji antimafie sot i tregohet veç punonjësve antimafie!!!

Normal që mafia është është e lirë dhe e fortë, përsa kohë antimafia ha vetveten.”-shkruan Ylli Manjani

Një 32 vjeçar është arrestuar nga policia në Pogradec, për veprën penale “Dhuna në familje” pasi dyshohet se ka ushtruar dhunë fizike ndaj bashkëjetueses së tij.

Njoftimi i plotë i policisë:

“Specialistët për Hetimin e Krimeve në Komisariatin e Policisë Pogradec, bënë arrestimin në flagrancë për veprën penale “Dhuna në familje”, të shtetasit A. T., 32 vjeç, banues në Pogradec, pasi në banesë, ky shtetas dyshohet se ka ushtruar dhunë fizike ndaj bashkëjetueses së tij, shtetases E. T., 33 vjeçe”.

Ambasada gjermane në Tiranë ka njoftuar se nga data 1 nëntor i 2021-shit do të pranohen vetëm dosje të plota aplikimi me të gjitha dokumentet e nevojshme, ndërsa  aplikimet e paplota do të refuzohen.

“Sektori i Vizave bën me dije si vijon: Që prej datës 1.11.2021 do të pranohen vetëm dosje të plota aplikimi me të gjitha dokumentat e nevojshme (shih fletën përkatëse të informacionit në faqen tonë të internetit). Aplikimet e paplota do të refuzohen pasi të jenë mbajtur tarifat përkatëse. Bllokojeni në kohë takimin tuaj, nëse e dini që në momentin e paraqitjes nuk i keni të gjithë dokumentat.

Ky ndryshim është i nevojshëm pasi aktualisht rreth 80% e aplikimeve janë të paplota, pra dosjet dorëzohen ndërkohë që u mungojnë dokumenta, e kjo do të thotë për të gjithë aplikuesit kohë më të gjata pritjeje për një takim dhe afate më të gjata përpunimi.

Përmes procedurës së re ne mund ta përpunojmë më shpejt aplikimin tuaj, për t’ua përcjellë më pas atë autoriteteve kompetente në Gjermani”, thuhet në njoftimin e Ambasadës Gjermane.

Këshilli i Lartë i Prokurorisë ka  vendosur të shpallë 2 vende vakante për ngritjen në detyrë të prokurorëve në SPAK.

Në mbledhjen e sotme, KLP ka caktuar në detyrë prokurorin Gjon Fusha në pozicionin e Drejtuesit të Prokurorisë pranë Gjykatës së Apelit Gjirokastër si edhe  prokurorin Albert Murçaj në pozicionin e Drejtuesit të Prokurorisë pranë Gjykatës së Shkallës së Parë Shkodër.

Ditën e djeshme, kryeministri Edi Rama paralajmëroi për ‘’krizë energjitike’’,.

Menjëherë pas deklaratës së tij, reagoi Eksperti I Ekonomisë, Sherefedin Shehu.

Në një postim në rrjetet sociale, Sherefedin Shehu kap “mat”, kryeministrin, ndërsa thekson se ajo çfarë po ndodh në Europë nuk ka lidhje me Shqipërinë.

Shehu I përmend Ramës se dikur shprehej se Shqipëria do të bëhej superfuqi energjitike, ndërsa sot përmend krizën e një dimri të gjatë pa drita.

Shehu thekson se kriza në Europë është shkaktuar nga problemet me gazin natyror dhe ne energjinë e kemi ujore dhe skemi fare lidhje me të.

Sipas tij, problemi ynë është problem menaxhimi që na e ka krijuar z. Rama.

Por, ai gjithashtu nuk kursen as kreun e PD-së, Lulzim Basha, ndërsa paralajmëron se “me qeverisjen e Ramës dhe opoziten e Bashës na ka marrë lumi.”

“Z. Rama na paralajmëroi sot se këtë dimër nuk do të kemi drita mbasi do të ketë krizë energjetike. Dhe për këtë krizë nuk e paska fajin Rama mbasi na e paskan krijuar të tjerët që nënkupton Europën.

Po zoti Rama a e di se kriza në Europë është shkaktuar nga problemet me gazin natyror dhe ne energjinë e kemi ujore dhe skemi fare lidhje me të. Madje dje na the se Shqipëria do të bëhej superfuqi energjetike.

Pra problemi yne është problem menaxhimi që na e ka krijuar z. Rama. Ato reformat e tij te “suksesesshme” të sektorit energjetik për të cilat vdiqen në burg qytetarë që nuk përballonin dot faturën e energjisë paskan qënë dështime. Është mirë të thotë për to një fjalë edhe Banka Botërore që e mburri Qeverine për këto reforma te deshtuara.

Zoti na ruajt! Se me qeverisjen e Ramës dhe opozitën e Bashës na ka marrë lumi.”-shkruan Sherefedin Shehu.

Pasditen e sotme ka mbetur i plagosur një 24 vjeçar me inicialet E.Gj në Mullet të Tiranës, i cili ishte në proces ndërtimi dhe si pasojë ka mbetur i plagosur.
Sipas burimeve, të policisë po punohet për zbardhjen e plotë të rrethanave të ngjarjes.
I riu është dërguar me urgjencë në spital, ku po merr mjekimin.
Njoftimi i Policisë:
Tiranë/Informacion paraprak

Më datë 02.10.2021, në Mullet, dyshohet se duke punuar në një objekt në ndertim, ka rënë nga lartësia shtetasi E. Gj, 24 vjeç, i cili u dërgua në spital dhe ndodhet nën kujdesin e mjekëve.

Grupi hetimor vijon punën për sqarimin e rrethanave të ngjarjes

Pasditen e sotme, në Bulqizë ka ndodhur një aksident i rëndë .
Sipas raportimeve të fundit, automjeti tip “Benz” ka dalë nga rruga dhe është përmbysur në vendin e quajtur “Gurët e Skënderbeut”. .
Policia ka mbërritur në vendin e ngjarjes por nuk e kanë gjetur askund shoferin i cili ishte arratisur.
Nuk raportohet për të plagosur