Parler Albania

Gjykata Speciale ka refuzuar garancinë e policisë së Kosovës për lirimin me kusht të ish-presidentit Hashim Thaçi. Një nga arsyet që përmenden në dokumentin e publikuar nga Gjykata Speciale, është mundësia për të ndërhyrë në procesin gjyqësor në Kosovë ku u shfaqën akuza se agjencia e Inteligjencës kishte dy agjentë të cilët dhanë dëshmi të fabrikuara.

Gjykata Speciale gjithashtu rendit lidhjet e kundërshtarëve politikë të ish-presidentit Hashim Thaçi me organizatat terroriste, sjellja e liderve të veteranëve të luftës së UÇK-së, përfshirë deklaratat e Fation Klinakut në verën e kaluar dhe krimet e supozuara.

Në dokument jepen edhe arsye të tjera si pasiguria dhe frika e dëshmitarëve të rastit.

“Dëshmitarët nuk kanë nevojë të lëndohen fizikisht për t’u frikësuar; edhe perspektiva e lirimit të të akuzuarve në Kosovë krijon frikë dhe pasiguri te dëshmitarët në këtë rast”, thuhet në dokument.

Po ashtu, si arsye e refuzimit jepet edhe ndikimi i ish-anëtarëve të Shërbimit Informativ të Kosovës mbi Policinë e Kosovës.

Varianti i ri i kornavirusit Omicron po bëhet një shqetësim global. Kufizimet e plota të udhëtimeve nuk do të parandalojnë përhapjen ndërkombëtare të variantit të ri të koronavirusit, Omicron, ka thënë Organizata Botërore e Shëndetësisë (OBSH), pasi dhjetëra shtete kanë bllokuar udhëtimet nga shtetet e Afrikës së Jugut.

OBSH paralajmëron nëpërmjet disa udhëzimeve, se : në vend të ndalesave, shtetet duhet të praktikojnë masa “të bazuara në të dhëna dhe rrezik”, duke përfshirë testimin e pasagjerëve dhe masa të karantinës, të cilat mund të zvogëlojnë importimin apo eksportimin e variantit Omicron.

“Kufizimet e plota nuk do të parandalojnë përhapjen ndërkombëtare dhe ato rëndojnë jetët tona”, ka thënë OBSH, duke shtuar se kufizimi i fluturimeve nga vendet si Afrika e Jugut, ndëshkojnë padrejtësisht këtë shtet pse ka qenë transparent për urgjencën e variantit të ri.

Rasti i parë me këtë virus është raportuar në Afrikën e Jugut një javë më parë dhe prej atëherë ai është identifikuar në të paktën 20 shtete.

Rreth 56 shtete janë duke zbatuar kufizime në udhëtim, me qëllim të parandalimit të përhapjes së variantit Omicron, ka thënë mes tjerash OBSH.

Një gjykatës amerikan vendosi të bllokojë urdhrin për vaksinimin e detyruar kundër koronavirusit të punonjësve të shëndetësisë, në të gjithë shtetet amerikane.

Urdhri u vendos nga kreu i Shtëpisë së Bardhë, Joe Biden dhe ai duhej të niste të zbatohej javën e ardhshme.

Vendimi i gjyqtarit Terry Doughty zgjeron atë që u lëshua të hënën nga një gjykatë federale në Misuri, i cili fillimisht shtrihej vetëm në 10 shtete

Ministrja e Jashtme, Olta Xhaçka ka marrë pjesë në një takim të ministrave të jashtëm të NATO-s të mbajtur ditën e djeshme në Riga për të diskutuar lidhur me sfidat më të fundit që po përjeton rajoni i Ballkanit Perëndimor.

Ajo tha se roli i NATO-së në Ballkanin Perëdnimor kishte qenë thelbësor por kërkoi që rajoni të përfshihej në Konceptin Strategjik të 2022. Sipas saj me këtë lëvizje, NATO do të bllokonte lëvizjet e fuqive të jashtme të cilat kërkojnë sabotimin e procesit të integrimit europian për rajonin.

Kosovë /Në kuadër të masave të reja kundër parandalimit dhe përhapjes së pandemisë COVID-19, qeveria e Kosovës ka vendosur rregulla të reja për hyrjen e shtetasve në Cdo person që hyn në Kosovë duhet të posedojë certifikatën e vaksinimit të plotë, apo me dy doza.

Në pikën 2.2 te vendimit thuhet se çdo person që dëshiron të hyjë në Kosovë duhet ta posedojë një dozë të vaksinimit jo më të vjetër së katër javë së bashku me testin PCR negavit për COVID-19, jo më të vjetër se 48 orë, ndërsa që nga data 3 janar 2022, të gjithë personat që hyjnë në Kosovë duhet të kenë dëshminë e të dy dozave të vaksinimit.

Gjithashtu, të gjithë personat që përdorin transportin publik duhet të posedojnë certifikatën e vaksinimit të plotë (me dy doza) kundër Covid-19.

Pasagjerët mund të udhëtojnë edhe nëse kanë një dozë vaksine, por me kushtin që të kenë edhe testin RT PCR negativ. Edhe ata që kanë dëshminë se e kanë kaluar coronavirusin, duhet të kenë së paku një dozë vaksine për të udhëtuar me autobusë.

Ndalohet hyrja pa maskë në ambiente të mbyllura.

Kufizimi i qarkullimit vazhdon të jetë nga ora 00:00 deri në ora 5 të mëngjesit. Me përjashtim të rasteve të caktuara.

Këtë të mërkurë pritet të shpallet aktgjykimi ndaj Ikballe Berisha-Huduti, e akuzuar për shtytje në terrorizëm, në Departamentin Special të Gjykatës Themelore në Prishtinë.

Në seancën e 26 nëntorit, në këtë gjykim është dhënë fjala përfundimtare, ku prokurori Afrim Shefkiu në seancën ka kërkuar dënimin e saj, ndërsa avokatja Kosovare Kelmendi lirimin e saj, raporton “Betimi për Drejtësi”.

Sipas aktakuzës së përpiluar më 30 shtator 2020, Ikballe Berisha-Huduti akuzohet se më 4 janar 2020, përmes rrjetit social “Facebook” kishte postuar thirrje me përmbajtje kërcënuese, duke bërë nxitje për hakmarrje pas vrasjes nga ushtria amerikane e Qassem Solejmani-gjeneral dhe udhëheqës i gardës revolucionare të Iranit dhe gjeneral Ebu Mehdi Muhendisi.

Në aktakuzë thuhet se e akuzuara kishte postuar tekstin “Populli Irakian doli në rrugët e Irakut menjëherë pas krimit amerikan, për të dënuar ashpër padrejtësinë që iu bë dy figurave eminente në Irak e Iran dy gjeneralët të tyre Gjeneral Sylejmani dhe Gjeneral Ebu Mehdi Muhendisi. Zoti i dhasht durimin ngase të mbysësh Zotin e shtëpisë i ke mbytë tërë anëtarët e shtëpisë, e pastaj hakmarrja është obligim, por nuk ka kufi”.

Për këtë postim, PSRK po pretendon se e njëjta kishte shkaktuar rrezikun që një ose më shumë vepra të tilla të kryhen.

Më këtë veprim, PSRK-ja po e akuzon atë për kryerjen e veprës penale “Shtytja për kryerjen e veprave terroriste”, nga neni 134 i Kodit Penal të Republikës së Kosovës.

Zbardhet dëshmia e Elsa Çalamanit, motrës së Klodian Çalamanit për ngjarjen e 9 Majit 2006, kur një vajze 16-vjeçare iu hoq liria për disa orë dhe më pas u përçudnua.

Emisioni Uniko nga Spartak Koka në Klan+ ka zbardhur detaje nga kjo ngjarje e rëndë.

Për atë rast Klodian Çalamani u dënua për veprën penale heqje e paligjshme e lirisë, edhe pse vajza 16-vjeçare në atë kohë kallëzoi në Policinë e Fierit se Çalamani dhe Florian Vasiu tentuan të abuzonin seksualisht me të.

Sipas Tv Klan, motra e Klodian Çalamanit, Elsa e cila ka dhënë dëshminë për ngjarjen e vitit 2006, ka thënë se të miturën e ftoi ajo në banesën e saj ku qëndronte me vëllanë Klodin.

Ajo thotë se ishte kërcënuar pikërisht nga vëllai i saj Klodian Çalamani dhe komshiu Florian Vasiu që t’iu sillte në shtëpi vajzën 16-vjeçare.

Dëshmia e Elsa Çalamanit për ngjarjen e 9 majit 2006:

Unë quhem Elsa Çalamani prej rreth 15 vitesh jam larguar nga Shqipëria së bashku me nënën e cila nuk është kthyer më asnjëherë. Kam ardhur para pak ditësh dhe për shkak të mungesës së kushteve tek shtëpia e babait kam qëndruar tek xhaxhai.

Vëllai im Klodian Calamani dhe shoku tij komshiu Florian Vasiu më kanë kërcënuar dhe më kanë detyruar që t`iu sjellë në shtëpi vajzën 16-vjeçare. Ata më kërcënuan se nëse nuk e sillja do më vrisnin mua së bashku me vajzën me pistoletë.

I kam vajtur vajzës dhe i kam kërkuar që të vinte me mua deri tek marketi për të blerë ca gjëra për fëmijën tim. Vajza ka kundërshtuar pasi ishte me shapka të papërshtatshme. Unë i kam thënë hajde tek shtëpia e Klodit të jap unë shapka të tjera. Sapo është futur në oborr i kam thënë duke e mashtruar hajde lexo letrat që vëllai im tjetri Alberti ka shkruar dhe të ka dedikuar ty.

Vajza ka patur frikë se mos ishte Klodi brenda, por unë e kam qetësuar që mos të kishte frikë. Sapo vajza është futur brenda, Klodiani dhe Floriani që ishte fshehur pas dere e kanë dhunuar. Unë kam filluar të qaj dhe në këtë moment kam marrë fëmijën e mitur dhe jam larguar.

 I pranishëm në banesë ka qenë dhe babai im rreth 70 vjeç i cili ishte në gjendje të dehur. Më vonë mësova nga nëna e 16-vjeçares se vajzën e kishte shpëtuar Ligori, vëllai i Florianit.

Territori Shqiptar do të përfshihet nga moti i qëndrueshëm duke sjell në orët e para të ditës alternime kthjellimesh dhe vranësirash të shpeshta, të cilat do të krijojnë mundësi për momente me pika shiu në zonat Jugore. Po ashtu dhe në orët në vijim vendi ynë në pjesën më të madhe do të mbetet në ndikimin e kthjellimeve dhe vranësirave.

Sipas MeteoAlb, temperaturat e ajrit do të ulen në mëngjes, por do të rriten në mesditë duke luhatur vlerat ditore nga -5°C deri në 14°C.

Era do të fryjë mesatarisht me shpejtësi 45 km/h nga drejtimi Jugor – Juglindor duke krijuar në det dallgëzim 4 ballë.

Ndërkaq, ditën e enjte vynë deri në pasdite do të mbizotërohet nga kushtet e qëndrueshme atmosferike të cilat do të sjellin kthjellime dhe vranësira kalimtare. POR parashikohet që mbrëmja dhe nata vonë të zhvillojnë vranësirat duke gjeneruar reshje shiu në zonat Veriperëndimore, Jugperëndimore dhe reshje dëbore në zonat malore Veriore.

Temperaturat e ajrit do të rriten ndjeshëm në mëngjes dhe në mesditë duke luhatur vlerat ditore nga -2°C deri në 16°C.

Era do të fryjë mesatare deri e fortë me shpejtësi 70 km/h nga drejtimi Jugor duke sjell në brigjet detare dallgëzim mbi 6 ballë.

Ndotja e mjedisit nga derdhjet e hidrokarbureve në zonat naftëmbajtëse vijon të jetë shqetësuese për banorët e Fierit. Pasi, sipas banorëve të zonës:’’Këto derdhje bëhen nga kompanitë që operojnë në këto zona si Albpetroli, si dhe kompani nënkontraktore të përpunimit të naftës. Ditën e sotme, në Fax Neës kanë ngritur shqetësimet e tyre lidhur me shëndetine tyre, ku shkak bëhen derdhjet e paligjshme.

Gjatë mbikëqyrjes së bërë në puset e naftës, vihet re se derdhjet e bëra pa kriter po kthehen në shqetësim për zhdukjen e florës dhe faunës.

Reshjet e shiut kane nxjerrë në pah shkarkimet në qyte,t ku bashkë me ambientalistin Qani Rredhi dhe vëzhguesin Sajmir Dine është vëzhguar nga afër derdhjet në fshatin Kuqar të bashkisë Patos.

Ambientalisti, Qani Rredhi:

Në raste reshjesh abuzohet nga ndotësit e Albpetrolit përgjithësisht por këtu kemi të bëjmë në këtë rast me një ujë teknologjik që del nga nëntoka dhe duhet të trajtohet jo të rrijë kështu lirë sepse del me mbetje nafte. Ky ujë mund të shkojë deri në det. Është e disata herë që bëjmë kërkesë ndaj Alpetrol. Ky ujë që derdhet këtu është një skandal i vërtetë. Ndaj i bëj thirrje Albpetrolit apo ministrisë që të ndalojnë këtë katrahurë. Kjo është një katastrofë e rëndë mjedisore. Kjo derdhje përfundon në kanalin më të afërt këtu dhe më pas shkon deri në det. Ne do u dalim zotit zotërinjve të Albpetrolit dhe më pas do u drejtohemi organeve kompetente. Ne kemi përjetuar një fakt tronditës. Ka qenë një vdekje e paralajmëruar e një gruaje.

Por ky krim mjedisor edhe pse eshte denoncuar heshtja institucionale vijon ende. Keto puse ndodhen mes bimesise se ullinjve te fermereve te zones ku era mbytese shperndahet si re mes bimesise ,ajrit dhe mjedisit.

Banori: Ne do vazhdojmë të ngrejmë zërin vazhdimisht. Këtu ka shumë pemë ulliri të cilat dëmtohen më së shumti nga kjo ndotje mjedisore. Për këtë gjë nuk është marrë asnjë masë edhe pas denoncimit të bërë nga ne në 2020.

Përballë këtyre fakteve denoncuese jo vetem nga ambientalistet por edhe nga banoret e zones askush nuk reagon per masa pezulluese te firmave operuese te naftes. Apeli shkon per te gjitha institucionet lokale ,vendore e qendrore pasi nuk mund te heshtet para ketij krimi mjedisor qe prek qarkun Fier e gjithe vijen bregdetare Adriatik.

Për duhapirësit, të cilët për një periudhë kohe të gjatë a të shkurtër kanë qenë të varur nga pirja e duhanit jepet një zgjidhje nga studiuesit.

Studiuesit në Institutin e Kancerit Roswell Park në Buffalo, N.Y. , pas hulumtimeve, dolën në këtë konkluzion të cilin e bënë publik në Uashington, DC në një takim të Shoqatës Amerikane të Kërkimit të Kancerit mbi parandalimin e kanceri: “Gjëja e parë që duhet bërë është të lini duhanin”, sepse kjo është “absolutisht gjëja më e mirë për të bërë për të zvogëluar rrezikun” e zhvillimit të kancerit të mushkërive, thotë studiuesi Li Tang, PhD, WebMD.

Pra, duhanpirësit duan të lënë duhanin, por që ende kanë nikotinë në sistemin e tyre, nëse hanë shumë brokoli dhe perime të tjera të familjes kruçifere, mund të kenë më pak gjasa se duhanpirësit e tjerë të zhvillojnë kancer të mushkërive.

Përveç lënies së duhanit, Tang u rekomandon duhanpirësve dhe ish-duhanpirësve të hanë më shumë perime si brokoli, lulelakra, lakra jeshile, rrepa, pazi– veçanërisht në formën e tyre të papërpunuar.

Tang paralajmëron se “asgjë nuk funksionon si një lëng magjik” i garantuar për të parandaluar kancerin e mushkërive, por të ngrënit sa më shumë perime ka efekte shumë pozitive.

Pra, të ngrënit perime është një zgjidhjet kryesore që të të keni një trup të shëndetshëm.

A.R/ ParlerAlbania