Ish-kryeministri Sali Berisha nis udhëtimin e rradhës për t’u takuar me qytetarët e Pogradecit. Ai u bën thirrje demokratëve se nuk ka ndërmend të ndalë takimet me bazën, në kuadër të Foltores .
Berisha shkon në takimin e Pogradecit, pas akuzave të forta që pati dje me Lulzim Bashën, ku ky i fundit e quajti ish-kryeministrit tubin e oksigjenit që i jep jetë regjimit të Edi Ramës.
“Njoftim! Neser diten e marte me daten 9 nentor ne ora 17:00 ne Pallatin e Kultures Lasgush Poradeci te Bashkise se Pogradecit ldo mbahet “Foltorja: Per nje Parti Demokratike me te bashkuar, me te forte, me te hapur”.
Ftoj demokratet dhe demokratët e Pogradecit te marrin pjese. Vetem te bashkuar fitojme! Sb”, shkruan Berisha në postimin e tij në rrjetet sociale.
Dje ish-kryeministri pati një takim me të rinjtë e PD-së në Tiranë, takim të cilit iu bashkua për herë të parë dhe deputeti Belind Këlliçi, për të cilin kanë nisur procedurat për largimin nga kreu i FRPD.
Berisha e quajti Bashën një pengkryetar, dhe e sfidoi për tu përballur publikisht me të, në praninë dhe të demokratëve në bazë. Derimë tani Basha nuk ka pranuar asnjë përballje me Berishën, por ka preferuar që të mos zhvillojë as takime paralele, për të bërë njëlloj testimi të mbështetjes mes të dyve.