aktualitet

Protestuesit e lagjes “5 maj’ dhe zonave të tjera që preken nga shembja e shtëpive kanë dalë në protestë dhe ditën e sotmë. Ndërsa pritet të nisë seanca plenare, ata janë përplasur me efektivët e policisë duke kërkuar me ngulm që në Kuvend të kenë dy përfaqësues.

Pak më parë kryeministri Edi Rama u ndal duke biseduar me ta dhe mori 3 gra me vete për të folur mbi shqetësimin e tyre.

Banorët para parlamentit:
‘Nuk do hyjmë të gjithë në parlament, le të marrin dy përfaqësues. Dy duhet të futen, i çoni fjalë kryetares, të futen brenda dhe të dëgjojet zëri i popullit’

Sekretari i Shtetit Antony Blinken flet në Departamentin e Shtetit në Uashington, të martën, 1 shkurt 2022.

Sikur Sekretari i Departamentit të Shtetit , Antony Blinken të mos ishte përfshirë mjaftueshëm në debate të huaja, ai tani akuzohet për ndërhyrje në zgjedhjet e Shqipërosë në emër të financierit miliarder George Soros dhe si rezultat është paditur për shpifje në një gjykatë ndërkombëtare. Një nga veprimet e para kurioze të Blinken me marrjen e detyrës vitin e kaluar ishte sanksionimi i ish-presidentit dhe kryeministrit të Shqipërisë, Sali Berisha, aleati antikomunist i presidentëve George H.W. dhe George W. Bush, i cili ka qenë në opozitë për tetë vjet, dhe që është një kundërshtar i zëshëm i Soros dhe Fondacioneve të tij të Shoqërisë së Hapur. Gjithashtu si ka shtyrë “reformën” gjyqësore dhe zgjedhore në Shqipëri.

Në një deklaratë zyrtare dhe një postim shoqërues në Twitter prillin e kaluar, Blinken pretendoi se Berisha është “i korruptuar” dhe se kishte “minuar demokracinë në Shqipëri” dhe e ndaloi atë, gruan dhe dy fëmijët e tij të hynin në SHBA.

Berisha i mohon me forcë akuzat, është i indinjuar që Blinken nuk ka dhënë kurrë asnjë provë, pretendon se qeveria amerikane po përpiqet të mbështesë qeverinë shqiptare socialiste të kryeministrit aleat të Sorosit Edi Rama dhe ka nisur një aksion shpifjeje kundër sekretarit në një gjykatë në Paris. Vitin e kaluar, gjykata korrektuese e Parisit ra dakord të dëgjonte rastin e tij.
“Asnjëherë në jetën time nuk jam akuzuar nga një person apo një institucion për korrupsion”, tha Berisha në telefon nga kryeqyteti shqiptar, Tirana. “E kundërta ishte e vërtetë. Kam punuar shumë ngushtë me qeverinë amerikane në luftën kundër korrupsionit.”

Ai thotë se sanksionet janë hakmarrje për përpjekjen e tij për të shpallur Sorosin “persona non grata” në Shqipëri, pasi ai u tregua i shqetësuar për ndikimin keqdashës të Fondacioneve të Shoqërisë së Hapur të Soros në vendin e tij.

Unë kurrë nuk kam pasur një problem personal me George Soros. Problemi është së pari ai e ndihmoi Shqipërinë të kishte shoqëri civile dhe unë i isha falënderues, por në një kohë të shkurtër u bë e qartë se ai po krijonte një model monastik të shoqërisë civile…
“Grupi Soros diktoi gjithçka. Pra, ne kemi tani një sistem drejtësie, totalisht të kontrolluar nga qeveria… Krerët e institucioneve të drejtësisë, në kundërshtim me ligjet kushtetuese, për momentin janë ish-prokurorë komunistë.”

Berisha, një kardiolog që udhëhoqi lëvizjen për të rrëzuar diktaturën komuniste të Shqipërisë, shërbeu si presidenti i parë jokomunist i Shqipërisë nga viti 1992 dhe më vonë si kryeministër dhe lider i opozitës.

Reublikani i SHBA Lee Zeldin (R-NY) ndjeu erën e një miu dhe ka kërkuar tre herë që Blinken të sigurojë prova për të mbështetur akuzat e tij për korrupsion kundër Berishës. Gjatë një takimi të Komitetit të Punëve të Jashtme të Dhomës së Përfaqësuesve qershorin e kaluar, Zeldin tha se masa erdhi “me sa duket nga askund”.
Zeldin tha se Berisha “ishte i njohur gjithashtu si një kundërshtar agresiv i George Soros. Çfarë informacioni specifik mund të ndani me komitetin në këtë kohë për të justifikuar këtë lëvizje dramatike?”

E papranueshme dhe e dyshimtë’

Matt Palumbo pretendon në librin e tij të ri “The Man Behind the Curtain: Inside the Secret Network of George Soros” se Blinken ka lidhje familjare me Soros.
Ai thekson faktin se babai i sekretarit të shtetit, Donald Blinken, ish-ambasadori i SHBA-së në Hungari, dhe gruaja e tij, Vera, financuan Arkivat e Shoqërisë së Hapur të Vera dhe Donald Blinken në Universitetin e Evropës Qendrore në Budapest, i cili u themelua dhe u financua. nga Soros.

Palumbo citon gjithashtu në një raport të Rrjetit të Fondacioneve Soros nga viti 2002, në të cilin Donald Blinken renditet në Bordin e Administratorëve të universitetit, me Soros si kryetar.
Pasi Antony Blinken u konfirmua si sekretar i shtetit, gazeta hungareze Magyar Nemzet e quajti atë “lajm të madh për George Soros”.
Në nëntor, Zeldin i shkroi përsëri Blinken duke kërkuar që ai të justifikonte veprimet e tij në Shqipëri.

“Kjo është tani kërkesa ime e tretë për informacion shtesë që nga ngritja e çështjes së sanksionimit të Sali Berishës me Sekretarin Blinken gjatë seancës dëgjimore të Komisionit të Punëve të Jashtme të Dhomës së Përfaqësuesve më 7 qershor 2021,” shkroi Zeldin.
“Kongresi luan një rol të rëndësishëm mbikëqyrës për degën ekzekutive duke përfshirë Departamentin e Shtetit, megjithatë zyra ime ka marrë jashtëzakonisht pak detaje në përgjigje të pyetjeve të mia. Është e papranueshme dhe e dyshimtë që Departamenti i Shtetit nuk e ka përmbushur mjaftueshëm këtë kërkesë për informacion shtesë në kohën e duhur dhe në vend të kësaj ka zgjedhur të ngadalësojë një kërkesë të Kongresit për transparencë.”

Blinken duhet të pastrohet. Nëse ka prova se Berisha është i korruptuar, duhet t’i bëjë publike. Përndryshe, reputacioni i Amerikës dëmtohet.

Burrimi : New York Post

Kaosi në Shqipëri duket, se nuk ka zgjidhje . Në secilin muaj has vështirësi në gjetjen e një copë vendi për të zënë rradhën për një abone studenti.

Në një nga qoskat në Tiranë, në qendër të saj numërohen me qindra qytetarë që presin për abone student. Të shumtë janë edhe ato që presin për abone të përgjithshme. Studentëve u duhet të presin me orë të gjata, duke lënë mënjanë orët e mësimit dhe sezonin e tyre të provimeve për ta ndjekur rregullisht . Ato presin në rradhë për një abone, që e marrin me cmim të reduktuar, me 600 lekë të reja.

Sipas burimeve të ParlerAlbania.al njoftohet se shumë prej studentëve janë nga rrethet dhe duke qenë se shpenzimet janë të shumta, duke përfshirë koston e lartë të qirave, e përfitojnë abonen e studentit, por për fat të keq u duhet të durojnë të ftohtin dhe rreshjet e shiut, duke u qullosur.

I njëjti kaos vazhdon, në sportel punojnë vetëm dy vajza dhe përballimi I njerëzve dhe për ta vështirësohet, duke qenë se rradha u shkakton stress ato nisin dhe acarohen me punonjëset e sportelit, të cilat nuk kanë asnjë faj për sa i përket rregullave të shtetit.

Albina Roshi/ Parler Albania. al

Ministrja e Arsimit Evis Kushi u pyet nga gazetarët nëse gjatë ditës së nesërme do të rikthehen nxënësit dhe mësuesit në shkolla, pas tre ditëve pushim, për shkak të temperaturave të ulëta.

Kushi tha se parashikohet që nesër të kemi një përmirësim të kushteve të motit, dhe të gjitha shkollat pritet që të jenë të hapura.

Sa i takon kopshteve dhe çerdheve, Kushi tha se ato nuk janë në varësi të Ministrisë së Arsimit por të bashkive. Ministrja pranoi mungesën e ngrohjes në disa shkolla, ndërsa sipas saj kujdes i veçantë kërkohej edhe gjatë transportit të nxënësve, ndaj dhe u kërkua që në 3 ditë ata të qëndronin pushim.

A do të nisë nesër shkolla? Pse i keni lënë hapur kopshtet dhe çerdhet, a ndizet ngrohësja gjatë gjithë kohës?

Evis Kushi: Po lajmi i mirë është që nesër të gjithë nxënësit do të rikthehen në shkolla, sepse ka një përmirësim të motit. Të gjithë e pamë që temperaturat ishin jo të zakonshme, ju jeni informuar që edhe Greqia i mbylli shkollat, edhe Turqia, që janë më të zhvilluara se ne.

Arsyeja nuk ka qenë vetëm problematika e ngrohjes në shkolla, ne kemi dhe rreziqet gjatë rrugës. 

Çerdhet dhe kopshtet janë në varësi të bashkisë, prindërit nuk janë të detyruar që t’i çojnë fëmijët në kopshte, ndërkohë që nxënësit kanë detyrim të shkojnë në shkolla. Shpresojmë që të mos jemi të detyruar sërish që të mbyllim shkollat si pasojë e motit.

Dhimbja e kokës shkaktohet nga tensioni i gjakut, hormonet, stresi e të tjerë. Dhimbja është më e mprehtë në rastin e migrenës.

Nëse vuani nga dhimbjet e kokës, provoni këto tetë vajra esencialë përpara se të përdorni ilaçin e radhës. Ekspertët bimorë rekomandojnë vajrat esencialë që shërojnë çdo dhimbje koke, pavarësisht nga shkaku, transmeton Top Channel.

Dhimbja e kokës e shkaktuar nga tensioni
Ju duket sikur ua kanë shtrënguar kokën me mjete të mprehta? Dhimbja e kokës e shkaktuar nga tensioni shërohet me vaj nenexhiku. Ky i fundit jo vetëm që largon dhimbjet por ka një efekt shumë freskues që u vjen në ndihmë muskujve. Shtoni 10 pika me vaj esencial në 28 gramë të një vaji mbartës (vaj jojobe ose arre kokosi) dhe masazhoni qafën dhe shpatullat.

Dhimbja e kokës e shkaktuar nga stresi
Stresi është një ndër shkaktarët kryesorë të dhimbjes së kokës. Studimet kanë treguar se nuhatja e aromave ul stresin, nivelin e kortizolit dhe tensionin e gjakut. Zgjidhni vajin e livandës apo vajrat e agrumeve. Nuhatja e kësaj arome ngadalëson zemrën, qetëson sistemin nervor dhe ju ndihmon të qetësoheni. Lagni një shami me pak vaj esencial dhe nuhateni.

Aroma e livandës të qetëson, të vë në gjumë, rregullon nivelet e serotoninës dhe përmirëson sistemin nervor. Nëse nuhatni aromën e livandës për 15 minuta dhimbja e migrenës do të ikë. Sapo të vëreni shenjat e para të dhimbjes nuhatni vajin ose përdoreni për masazh të nofullave, ballit dhe skajeve të tij.

Dhimbjet hormonale shërohen me barbarozë
Hormonet janë mike dhe armike. Dhimbjet e kokës të shkaktuara prej tyre shërohen me barbarozë. Në rastin e këtyre dhimbjeve, ju duhet të përdorni një pikë vaj esencial në një lugë çaji me vaj bartës dhe të masazhoni zonën abdominale. Në të kundërt, bëni një banjë dhe hidhni në vaskë 5-8 pika nga ky vaj esencial.

Dhimbja e kokës nga dehidratimi
Rreth 73 për qind e trurit përbëhet nga uji ndaj hidratimi është i rëndësishëm. Nëse jeni të dehidratuar atëherë do të keni dhimbje koke. Kompresat e ftohta me vajra esencialë të nenexhikut, portokallit ose mandarinës shërbejnë më së miri kundër dhimbjeve.

Dhimbja e kokës nga arsye të tjera
Vajrat esencialë të rozmarinës, livandës, nenexhikut mund të përzihen së bashku dhe të zgjidhni një sërë dhimbjesh. Ato mund t’i përdorni jo vetëm për nuhatje, por edhe për masazh, banjë dhe për aromatizimin e ambienteve të ndenjes dhe fjetjes.

Një shpërthim me lëndë plasëse është shënuar mbrëmë në qendër të Durrësit në afërsi të banesës së Presidentit të FSHF-së, Armand Duka.

Në studion e “MCN”, kryetari i Partisë Agrare Ambientaliste dhe deputeti Agron Duka, njëkohësisht vëllai i kreut të FSHF-së, u shpreh se kjo është tendencioze dhe qëllimshme, për ta ndaluar rrugëtimin e Armandos në rrugëtimin e tij për të rikandiduar në FSHF.

Sipas Dukës, nuk mund të cilësohet si një urdhër i drejtpërdrejtë nga Erion Veliaj, por mund të jenë personat e përkrahur nga ai, që Duka i quajti “gangsterë”, të cilët mund t’i kenë dalë nga duart kryetarit të bashkisë.

“Sado që mundohesh të shkëpusësh këtë ngjarja, kjo ka të bëjë më kërcënimet e Veliaj, më të gjitha mënyrat, janë shfrytëzuar njerëzit që kanë lidhje me krimin, për të shmangur kandidimin e tij. Unë kam prirje të besoj që si ka dhënë urdhër Veliaj apo njerëzit e tij, por gangsterët të dalin nga duart.

E vetmja mënyrë është ta frikësojnë, sepse kanë vazhda ishte që në kontrollin e bizneseve tona familjare, me 15 veta erdhën dhe i kontrolluan, ishte e qëllimshme, sado të mundohesh që më dashamirësi ta ndaj këtë ngjarje si të veçuar, nuk mund të mos e ndash.

Ne nuk jemi njerëz konflikti, ne kemi mbi 20 vjet në jetën publike, ajo zonë e Shijakut na njeh, është budallallëk me brirë ta mendosh se ka diçka tjetër, ka të bëj me zgjedhjet në FSHF, Armando do të vazhdojë, mënyra e kërcënimit të tërheqjes nga gara, ishte vulgare dhe e trashë,

Presidenti i Republikës së Shqipërisë Ilir Meta, përmes një postimi në Facebook ka shpërndarë foto nga takimi me Shefin e Shtabit të Përgjitshëm ë Forcave të Armatosura, Gjeneralmajor Bajram Begaj.

Meta shkruan se ata kanë diskutuar lidhur me situatën e tensionuar në Ukrainë duke theksuar se shqetësimi është përcjellë te partnerët e NATO-s lidhur me agresionin rus.

“Në këtë kontekst, nënvizova rëndësinë e koordinimit sa më të efektshëm me Aleancën, si dhe marrjen e masave për vijimin e reformave në funksion të forcimit të mëtejshëm të kapaciteteve tona mbrojtëse”-përfundon kreu i shtetit.

Postimi i plotë:
Sot pata një takim pune mjaft të frytshëm me Shefin e Shtabit të Përgjithshëm të Forcave të Armatosura, Gjeneralmajor Bajram Begaj.
Diskutuam për situatën në dhe rreth Ukrainës.

Ndamë shqetësimin e përbashkët me të gjithë partnerët tanë të NATO-s për kërcënimin e agresionit rus ndaj këtij vendi mik, të pavarur dhe sovran, si edhe për implikimet që ky kërcënim, në shkelje flagrante të së drejtës ndërkombëtare, mund të ketë edhe për mbarë Europën dhe për rajonin tonë.

Në këtë kontekst, nënvizova rëndësinë e koordinimit sa më të efektshëm me Aleancën, si dhe marrjen e masave për vijimin e reformave në funksion të forcimit të mëtejshëm të kapaciteteve tona mbrojtëse.

Ministrja e Infrastrukturës Belinda Balluku ka shkuar sot në kantierin ku po kryhen punimet për tunelin e Llogarasë.

Ajo teksa inspektonte zonën me inxhinierët u shpreh se ky projekt po shkon përtej pritshmërive duke pasur jo vetëm anën funksionale por dhe atë të dizajnit që do i japë bregdetit pamje madhështore.

Punimet për tunelin e Llogarasë kanë nisur që në 14 nëntor të vitit 2021 ku afati për dorëzimin e projektit ishte 33 muaj.

Hyrja e tunelit do të jetë rreth 500 metra ndërsa koha do të shkurtohet nga 7 deri në 10 minuta.

Balluku: Në hyrje të tunelit pamë shtresa të rrezikshme megjithatë ecuria në 60 ditë është e shkëlqyer. Gjatë verës do kemi një befasim sa i takon kësaj rrugë.

Kalova një ditë shumë të ftohtë për të ardhur e për të inspektuar të gjitha rrugët në këtë rajon, jemi në një të ftohtë polar.

Ndodhemi në hyrje të tunelit dhe për mua është një ditë e shënuar, stafet janë në krye të detyrës dhe makineritë në punë. Për arsye sigurie nuk do futemi brenda por kemi shpresa që punimet do ecin para.

Sa i përket dizajnit ka atë më të mirin si urë, krahas funksionit për një shkurtim të rrugës, do ketë dhe pamje fantastike pasi mundëson hyrjen për në bregdet, Rivierës së Jugut.

Ditët e fundit duke qenë se të gjithë ata që lëvizin në jug më dërgojnë foto duke thënë qenka me dy tunele, faktikisht është ai i emergjencës njëri.

Kanë disa kritere teknike për ndërtimin e tyre, çdo 500 metra ka një dalje emergjente. Nga gjithë studimet e fizibilitetit volumi I trafikut në këtë zonë përputhet me tunelin dhe kapacitetet e tij.

Emisioni ‘’Identitet’’ në Fax News, që transmetohet cdo të premte në orën 20:30 ka sjellë këtë herë një dokumentar lidhur me figurën e Ataturkut, themeluesit të demkoracisë turke.

Emsioni I ndarë në tre pjesë. Në pjesën e parë flite për origjinën e tij shqiptare, edukimin , si u rrit dhe rrugët që ndoqi në vijimësi.

Në pjesën e dytë, Aida Shtino na shfaq fakte nga jeta personale e tij, se si ka qenë një zotëri që ishte në qendër të vëmendjes së grave aristokrate. Zbulohen anët e errëta pas asaj figure të shndrritshme, sesi bënte compromise në lidhje me dashurinë dhe pushtetin.

Në pjesën e tretë tregohet marrëdhënia e Ataturkut me mbretin Zog të Shqipërisë, sesi  Ataturku shfaqi një pakënaqësi ndaj tij, sepse e kishte shpallur veten mbret pa konfirmimin e popullit. Shkresa e dërgesa nga drejtuesi I shtetit turk, Atatuku drejtuar mbretit të Shqipërisë, Zogut.

Ataturku, një nga figurat me origjinë shqiptare që  la gjurmë në historinë turke.

Të gjithë turqit e quajnë baba, sepse ai solli modernizim në arsim, teknologji, veshje dhe risi në shumë fusha të tjera të jetës së popullit.

Albina Roshi/ ParlerAlbania.al