Politikë

Aleksandër Çipa gjatë një interviste në Skype për “Fax News” ka analizuar situatën politike në vend dhe përplasjen e bujshme mes Bashës dhe Berishës.

Kreu i unionit të gazetarëve u shfaq skeptik për realizimin e premtimeve të qeverisjes “Rama 3” pasi sipas tij edhe gjatë 8 viteve të mëparshme kryeministri Rama nuk ka mbajtur premtimet.

Çipa theksoi se mungesa e investitorëve të huaj është një problematike jo e vogël për ekonominë e vendit tonë. Ndërsa kur u pyet për përjashtimin e Berishës nga PD, Çipa theksoi se e gjitha kjo rrëmujë dëmton PD-në dhe fuqizon kundërshtarin politik, pra Partinë Socialiste.

“Premtimet që lidhjen me programin e qeverisë, por a do të realizohen ato të gjtiha? Ekspertët janë skeptik pasi edhe gjatë mandatit të dytë kishte problematika pasi kishte mungesë të investitorëve. Problem gjatë mandatit të dytë ishte mungesa e investimeve të huaja në Shqipëri, ka pasur probleme të mbetur për prezencën e thithjes së donacioneve të huaj për investime të rëndësishme në vendin tonë. Gjatë premtimeve “Rama 3”, u fol për investimin të mëdha infrastrukturore: portet (Durrës dhe porti i jahteve), aeroportet e Sarandës dhe Vlorës, apo a do të realizohen me afatin kohor që kanë përcaktuar? Është një problem që duhet parë.

Opozita e përçarë? Situata problematike është pasi Berisha kërkon të rrëzojë Bashën dhe për të krijuar proces të ri zgjedhor, kjo betejë mban një kontekst tjetër sepse kriza mes të dyve nisi pas një kërkese të SHBA pas shpalljes “non grata” dhe pas një vendimi ku Berisha u akuzua për korrupsion dhe pengim të demokracisë. Këmbëngulja se Bashës ja kanë kërkuar amerikanët përjashtimin e Berishës nga ana tjetër nisja e turit të foltores së Berishës me demokratët është një situatë e re në Partinë Demokratike. Shumica socialiste është shumë e avantazhuar. Ngelet për tu parë si do të zhvillohet turi i zotit Berisha dhe a do të çojë kjo në një përplasje të madhe në PD, kjo është një dilemë që pritet të konfirmohet në vijim. Kjo e dobëson opozitën në përballje me socialistët e kryeministrit Rama.

Nëse vjen Berisha në krye të PD, cfarë ndodh në marrëdhëniet me Amerikën – “Nëse Berisha nuk do të ketë një procedim juridik pas atyre akuzave që i janë bërë nga SHBA. Ai ka të gjitha mundësinë për ta bllokuar lidershipin aktual dhe së dyti për ta ndarë PD. Ky është rreziku më potencial, duhet një zgjuarsi nga dy liderët që mos e dëmtojnë këtë institucion publik. Dy protagonistët nuk duhet ta dëmtojnë këtë parti”, përfundoi Çipa.

Kryetari i Partisë Demokratike, Lulzim Basha ka deklaruar se nuk ka kthim pas për sa i takon vendimit për përjashtimin e Sali Berishës nga grupi parlamentar, kur u pyet nga gazetarët nëse ka frikë nga një shkarkim që mund t’i vijë nga paraardhësi Sali Berisha.

Në një konferencë të shkurtër për shtyp, Lulzim Basha sulmoi mazhorancën, duke shigjetuar treshen Tom Doshi, Ronaldo Rakipi dhe Edi Rama, si një aleancë plaçkitësish për Shqipërinë.

PD ka për qëllim që të larguar këta armiq të demokracisë nga salla e parlamentit, thotë më tej Basha, duke shtuar se partneriteti i PD-së me SHBA-të do mbetet i pacënueshëm.

“Rama-Doshi-Rakipi PPP-ja e radhes. Qëllimi i kësaj PPP-je , i kësaj pakice placckitsish është për të mbajtur pushtetin në kosto të familjeve shqiptare . Qëllimi ynë është të bëjmë gjithcka për të larguar këta armiq të demokracisë nga salla e parlamentit. Nuk kam asgjë për t’i shtuar asaj që kam deklaruar një javë më parë sa i përket kontributit të Sali Berishës për zhvillimin e Shqipëertisë në aleancen me SHBA-të. Aleanca dhe partneriteti i PD me SHBA-të duhet dhe do mbetet i pacënueshmë.Ne së bashku me shqiptarët që mezi presin ndryshim do të bëjmë gjithçka që të rikthejme shpresen. Nuk ka kthim pas“, tha Basha.

Rikujtojmë se rreth një javë më parë, Lulzim Basha njoftoi në një konferencë të jashtëzakonshme për shtyp se Sali Berisha nuk do të jetë pjesë e grupit parlamentar të PD-së derisa të sqarojë ccështjen me SHBA-të për shpalljen non-grata. Sali Berisha se ka pritur mirë këtë vendim, të cilin e quan nul. Ish-lideri historik i SHBA-ve ka nisur një fushatë hapur për shkarkimin e Lulzim Bashës, për zgjedhjen e të cilit në krye të PD-së i ka kërkua falje një ditë më parë demokratëve. Tashmë Berisha e konsideron Bashën ish-liderin e PD-së dhe synon mbajtjen e një referendumi për zgjedhjen e një kryetari të ri, duke mos e përjashtuar një rikthim të mundshëm të tijin pas 8 vitesh.

Porononcimi i plote:

PRONONCIMI PËR MEDIAN I KRYETARIT TË PARTISË DEMOKRATIKE, LULZIM BASHA

Lulzim Basha: 77 votat e sotme, janë formalizimi i PPP-së, Rama-Doshi-Rakipi bashkë me kriminelët e dosjes 184, të vjedhjes së zgjedhjeve në Dibër dhe të Dosjes 339 të Shijakut bashkë me Rahman Rrajën të njohur ndërkombëtarisht për rekordet e tij kriminale, janë fatkeqësia më e madhe për çdo shqiptarë, janë fatkeqësia kombëtare. Qëllimi i kësaj PPP, i kësaj pakice plaçkitësish është të pasurojnë veten e tyre, të mbajnë pushtetin në kurriz dhe në kosto të familjeve shqiptare. Qëllimi ynë është të bëjmë gjithçka për t’i larguar këta armiq të demokracisë nga salla e parlamentit dhe për t’i kthyer shqiptarëve demokracinë, parlamentin dhe qeverisjen e vullnetit të tyre të lirë.

Pyetje: Zoti Berisha tha që nuk e sillni dot Partinë Demokratike në pushtet.

Lulzim Basha: Nuk kam asgjë për t’i shtuar asaj që kam deklaruar një javë më parë sa i përket kontributit të Sali Berishës për zhvillimin e Shqipërisë, demokracisë dhe aleancës me Shtetet e Bashkuara të Amerikës. Por dua të jem fare i qartë, aleanca dhe partneriteti i Partisë Demokratike me Shtetet e Bashkuara të Amerikës, duhet dhe do të mbetet i pacenueshëm në interesin më të mirë të demokratëve shqiptarë, në interesin më të mirë të së nesërmes së Shqipërisë dhe shqiptarëve. Dhe për këtë arsye ne së bashku me të gjithë shqiptarët që me zi po presim ndryshimin, do të bëjmë gjithçka për ta realizuar aspiratën e tyre për ndryshim. Nuk ka kthim pas!

Më 14 shtator Kancelarja do të takojë krerët e qeverive të gjashtë vendeve të Ballkanit Perëndimor në kryeqytetin shqiptar Tiranë. Më parë ajo do të qëndrojë në Beograd.

Siç njoftoi zëdhënësja e qeverisë gjermane, Martina Fietz, Kancelarja do të takojë në Beograd edhe përfaqësues të shoqërisë civile nga gjashtë vendet e Ballkanit Perëndimor.

Në Tiranë, përveç kryeministrit të Shqipërisë, Edi Rama, ajo do të takojë në biseda dypalëshe edhe krerët e qeverive të Bosnje-Hercegovinës, Kosovës, Malit të Zi dhe Maqedonisë së Veriut.

Tregu i Përbashkët Rajonal

E pyetur nga DW për pritshmëritë e kancelares në këtë udhëtim, zëvendëszëdhënësja e qeverisë gjermane, Martina Fietz, theksoi se Kancelarja do të bisedojë për “Tregun e Përbashkët Rajonal.” Ajo kujtoi se të gjitha vendet e Ballkanit Perëndimor janë zotuar në konferencën e tyre të fundit virtuale drejtuar nga kancelarja Merkel, më 5 korrik të këtij viti, se do të angazhohen për implementimin e saj.

Fietz tha se kjo do të jetë temë e bisedave, pa hyrë më tej në hollësi për qëndrimin e kancelares rreth nismës më të fundit të tre liderëve ballkanikë, Rama, Zaev, Vuçiq, të quajtur Open Balkan.

/DW

Kryetarja e Dhomave të Specializuara, Ekaterina Trendafilova në një konferencë për media bëri të ditur se Gjykata Speciale do të jetë funksionale deri në atë kohë kur Këshilli i Evropës do të njoftojë se të gjitha procedurat hetimore apo para Dhomave të Specializuara të Kosovës do të kenë përfunduar.

“Dhomat e Specializuara do të jenë funksionale deri në atë kohë kur Këshilli i Evropës do të njoftojë Republikën e Kosovës se të gjitha procedurat hetimore apo para Dhomave të Specializuara të Kosovës do të kenë përfunduar. Siç e kanë bërë të qartë Dhomat e Specializuara dhe kanë theksuar në vendimin e tyre të 20 nëntorit të vitit të kaluar kjo do ta bie në fund punën e Dhomave të Specializuara”, u shpreh Trendafilova.

Ajo ka folur edhe për historikun e themelimit të Dhomave të Specializuara të Kosovës.

“Dhomat e Specializuara të Kosovës janë themeluar pas pretendimeve në rritje se kanë ndodhur krime serioze në kontekst të konfliktit të Kosovës nga viti 1998 deri në vitin 2000 dhe se ato nuk ishin hetuar dhe kryesit e tyre nuk ishin ndjekur penalisht, përkundër shumë gjykimeve që kishin ndodhur në Gjykatën Ndërkombëtare të Hagës për ish-Jugosllavi. Asambleja Parlamentare e Këshillit të Evropës e emëroi një raportues special Dick Marty që të hetojë këto pretendime e i cili paraqiti raportin e tij në fund të vitit 2010 dhe më 7 janar 2011, menjëherë pas festimeve të Vitit të Ri, Asambleja Parlamentare e Këshillit të Evropës e miratoi raportin dhe ky filloi të njihet si raporti i Asamblesë Parlamentare të Këshillit të Evropës”, u shpreh Trendafilova.

Aktivistë të PSD-së sot kanë dalë në një protestë të paparalajmëruar në kohën kur po pritej konferenca e kryetares së Gjykatës Speciale, Trendafilova. Ndërkohë Policia ka arrestuar kreun e PSD-së, Dardan Molliqajn dhe aktivistë të tjerë të PSD-së.

Zhvillimet e fundit të ndodhura në Mal të Zi, kanë bërë që Kryetari i Kuvendit të Kosovës, Glauk Konjufca, të kritikojë qëndrimin e shqiptarit Dritan Abazoviq. Madje ai i quan të “turpshme” veprimet e tij.

“Me vetë faktin atje që edhe klerikët, edhe njerëzit që ish dashtë me u marrë me punë shtetërore, përjetojnë ekstazë tu e kënduar këngën “Do të kthehemi në Kosovë”, kjo punë nuk është hiq shpirtërore”, thotë Konjufca.

“Është e turpshme për Abazoviçin me nejt gatitu tu u këndu ajo këngë e turpshme”, shtoi ai në emisionin “DPT te Fidani” në T7.

Konjufca thotë se Serbia dëshiron të krijojë “botën serbe në Ballkan”.

“Kjo që ndodhi në Mal të Zi dje, është bash në favor të argumentit që e shpjegova, Serbia e ka të njejtë orientimin si të viteve 1990. Këtë orientim të njëjtë më së miri e shpjegon sintagma që e nxiri Vulini dhe të cilin e tumiri Vuçiuqi e kjo sintagmë është krijimi i bOtës serbe në Ballkan. Çka i bjen me u kriju bota serbe në Ballkan? Krijimi i botës serbe në Ballkan i bjen me bashku Reoublikën Serbe me Serbinë e ajo i ka 25 km katror, është e madhe sa krejt Maqedonia. Së dyti marrja e Veriut të Kosovës, eksterritorializmi i mëtutjeshëm i Kosovës si dhe një Zajednicë në Kosovë edhe pasi ta ndan Kosovën. Sa i përket Malit të Zi, me e detyru me e ç’njoftë Kosovës, me e hjekë prej NATO’s dhe me e federalizu”, shpjegoi Konjufca.

Më 26 shtator zgjidhet Bundestagu i ri. Angela Merkel nuk kandidon më. Me një pension prej 15.000 euro në muaj, ajo nuk ka pse ta vrasë mendjen financiarisht. Po si do ta kalojë ajo kohën?

Angela Merkelit i pëlqen të gatuajë supë me patate dhe kek me kumbulla. Gjellë tipike gjermane për stinën e vjeshtës. Por pas zgjedhjeve të 26 shtatorit ajo me siguri nuk do të ketë kohë për të gatuar. Sepse Merkel do të vazhdojë të qëndrojë në detyrë derisa të formohet qeveria e re.

Gjatë dekadave të fundit formimi i qeverisë dhe zgjedhja e kancelarëve është bërë mesatarisht pesë deri në gjashtë javë pas zgjedhjeve. Por në vitin 2017 u deshën pesë muaj e gjysmë deri se të krijohej koalicioni i ri qeverisës. Pra ka shumë gjasa që Angela Merkel ta thyejë rekordin e Helmut Kohlit, mandati i të cilit përfundoi në vitin 1998 pas 5870 ditësh në post. Për të thyer këtë rekord Merkelit do t’i duhet të qëndrojë në detyrë deri më 17 dhjetor 2021.

Gjatë një vizite në korrik në Uashington, ku iu dha një doktoratë nderi nga Universiteti Johns Hopkins, Angela Merkel tha se pasi të dalë në pension do të bëjë fillimisht pushim dhe nuk do të pranonjë asnjë ftesë. Gjatë kësaj kohe tha ajo “dëshiroj të mendoj për gjërat që vërtet më interesojnë” dhe për të cilat ka pasur pak kohë gjatë 16 viteve të fundit. Me një buzëqeshje të djallëzuar, kancelarja tha: “do të lexoj, kur të më mbyllen sytë se jam e lodhur do të fle pak, pastaj kur të zgjohem të shohim se ç’do të bëj”.

15,000 euro pension në muaj

Angela Merkel mbushi më 17 korrik 67 vjeç. Nga pikëpamja financiare ajo nuk ka pse ta vrasë mendjen. Si kancelare ajo fiton aktualisht 25,000 euro në muaj, plus rreth 10,000 euro si anëtare e Bundestagut, anëtare e të cilit është prej më shumë se 30 vjetësh. Kur Merkel të ndalojë së punuari, ajo fillimisht do të vazhdojë të marrë këtë rrogë edhe për tre muaj dhe më pas gjysmën për maksimalisht 21 muaj.

Pensioni i Angela Merkelit do të jetë rreth 15,000 euro në muaj. Deri në fund të jetës së saj ajo ka gjithashtu të drejtë për bodygard, një makinë shërbimi me shofer, një zyrë në ambientet e Bundestagut në Berlin dhe një staft të përbërë nga dy referentë, një sekretare dhe një daktilografist.

Një karrierë e dytë nuk përjashtohet

Kancelarët apo anëtarët e qeverive janë të preferuar si konsulentë si dhe për shkak të kontakteve të tyre të mëdha politike. Disa nga paraardhësit e Angela Merkelit nisën pas daljes në pension biznese. Helmut Schmidt u bë në vitin 1982 botues i gazetës javore “Die Zeit” dhe mbante fjalime për të cilat merrte honorare të majme. Në një intervistë në vitin 2012 ai tha se “e kam si rregull që nuk mbaj fjalime për një honorar më pak se 15,000 dollarë.”

Ish-kancelarët Helmut Kohl dhe Gerhard Schröder u treguan më të zotët se sa Helmut Schmidt-i për ta shndërruar të kaluarën dhe famën e tyre politike në burim fitimi. Kohl themeloi një kompani për konsulencë për politikë dhe strategji, me të cilën fitonte shumë mirë si lobist dhe konsulent.

Kurse Gerhard Schröder shkaktoi shumë zhurmë kur në vitin 2005, vetëm disa muaj pasi u largua nga posti i kancelarit, nisi të punonte për kompaninë Nord Stream, degë e Gazpromit rus, për të cilën ishte angazhuar fort gjatë kohës që ishte kancelar.

Angela Merkel nuk është shprehur deri tani nëse po kërkon një punë të re apo ndonjë post honorifik? Me sa duket fillimisht ajo do të qëndrojë në Berlin, ku do të qëndrojë i shoqi, Joachim Sauer. 72-vjeçari edhe pse ka dalë në pension si profesor në Universitetin Humboldt të Berlinit, e ka zgjatur kontratën e tij studimore për kimi kuantike një herë për një herë deri në vitin 2022.

Kryeministri Edi Rama ka mbledhur paraditen e sotme ekipin drejtues të Partisë Socialiste, një javë pas mbledhjes së asamblesë ku u zgjodhën sekretarët e rinj dhe anëtarët e kryesisë.

Në një dalje për mediat pas takimit që zgjati për më shumë se një orë, Damian Gjiknuri tha se mbledhja e sotme ishte prezantuese, dhe do të nisë puna për zgjedhjet e ardhshme, që sipas socialistëve do të mbahen në vitin 2023.

Pjesë e mbledhjes janë të gjithë sekretarët e rinj të PS-së:

Sekretar i Përgjithshëm, Damian Gjiknuri

Sekretar Organizativ, Blendi Klosi

Sekretar Dixhital, Etjen Xhafaj

Sekretar i Burimeve Njerëzore, Anila Denaj

Sekretare e Gruas, Etilda Gjonaj

Sekretare e Marrëdhënieve me Jashtë, Romina Kuko

Sekretare e Rinisë, Bojkena Basha.

Postet e reja brenda qeverisë dhe partisë sollën dhe disa pakënaqësi në radhët e socialistëve, ku Taulant Balla mbeti jashtë kabinetit pavarësisht se është deputeti më i votuar, ndërkohë që Erion Braçe po ashtu e sheh veten jashtë çdo funksioni.

PS fitoi 74 mandate në zgjedhjet e 25 Prillit, ndërkohë që seanca e parë në Kuvend të premten do të drejtohet nga Luljeta Bozo e cila është dhe e zgjedhura më e vjetër që do të ulet në karriget e parlamentit.

Drejtimi i Kuvendit i është besuar Lindita Nikollës, ndërkohë që qeveria e re e Ramës ka pak ndryshime nga ajo aktuale sa i takon ministrive më të rëndësishme në vend.

Ish-kryeministri Sali Berisha ka komentuar nga studio e emisionit ‘Noë’ përplasjen Rama-Kurti në lidhje me politikën rajonale dhe “Open Balkan”.

Berisha u shpreh se kryeministri Rama është argat i presidentit Vuçiçi dhe të dy nuk janë asgjë tjetër veçse dy gangsterë që po cënojnë paqen në Balkan.

“Edi Rama ka qenë armiqësor ndaj Ibrahim Rugovës. Detyroi deputetët e LDK-së të dalin nga parlamenti. Ka qenë armiqësor ndaj Ramush Haradinajt. Nuk kemi të bëjmë me një qëndrim Ram-Kurti, por me një qëndrim prej vasali beogradi të Edi Ramës. Edi rama është një antishqiptar i paskrupullt. Ai zbaton këshillat që merr nga argati. Ndërmjetësi midis Ramës dhe Vuçiçit është Baton Staliçisti. Ai është argat. Ai ja sjell të gjitha qëndrimet. Edi Rama s’mban dot qëndirme të tjera. Ky përpiqet me çdo kusht të fshehë vasalitetin ndaj Vuçiçit. Ç’pune ke ti t’i tregosh Klsovës të marrë apo jo afganë. Kosova është e pavarur. Kjo mjafton për çdo shqiptar. Rama dhe Vuçiç janë dy gangsterë që po cënojnë paqen në Ballkan”, tha Berisha.