Show Bizz

Ishte e papritur për të gjithë të zbulonim se Arbër Çepani dhe ish-missi Arnita Beqiraj janë çifti më i ri i shosbizit shqiptar. Ishte vetë Arbri, i cili zgjodhi ta uronte publikisht partneren për ditëlindjen e saj, përmes një fotoje duke e puthur në rrjetet sociale.

Në një lidhje direkte me emisionin “Rudina”, ai nuk kishte si t’u shpëtonte pyetjeve për jetën private. Rudina dhe gazetari Eni Shehu u munduan ta ngacmonin atë për të zbuluar diçka më shumë, megjithatë, Arbri, si natyrë e rezervuar që është, preferoi të mos fliste shumë.

I pyetur rreth mënyrës si janë njohur bashkë, ai tregoi se i ka bërë bashkë profesioni dhe ambientet e përbashktëa që frekuentonin.

“Njerëzit e mirë i përputh universi, kështu që jemi përputhur nga energjia e mirë besoj. Jemi njohur nga ambientet e përbashkëta, profesioni, dashuria për gjërat e bukura…” –u shpreh Arbri, i cili, duke u munduar ta anashkalonte temën, e mbylli duke thënë: “Nuk e kam me vete zonjushën, por ju puthim virtualisht.”

Me kaq duhet të mjaftohemi si fillim…

Pak kohë më parë në mediat rozë u tha se këngëtarja Rozana Radi i kishte dhënë fund lidhjes me oficerin e policisë gjyqësore Shpëtim Karakushi, me të cilin jeton prej 10 vitesh.

Dyshimet nisën kur aktorja filloi të shfaqte trishtimin që ndjente me anë të postimeve në rrjete sociale. Më pas, ajo deklaroi gjatë emisionit “Boom” se tashmë është single.

Mirëpo ditën e djeshme, artistja ka ngritur dyshimet se është rikthyer me partnerin e saj. Rozana zhvilloi një intervistë virtuale me ndjekësit në Instagram.

Dikush e pyeti moderatoren “Me kë i kalove pushimet në Mykonos?”. Rozana iu përgjigj “Me shokun e dhomës prej dhjetë vitesh”, duke ngritur dyshime se bëhet fjalë pikërisht për Shpëtimin.

Më pas, një tjetër ndjekëse e pyeti “Kush është shoku i dhomës?”. Radi shkroi “Është i zënë, kot ta them”. Krahas përgjigjes ajo publikoi një foto në të cilën shihet pranë një mashkulli, të cilit ia ka mbuluar fytyrën me anë të pyetjes së ndjekëses.

Muaj më parë, Rozana publikoi një foto të familjes së saj, ku mungonte i fejuari dhe u shpreh se për sa kohë do t’i ketë në krahë, asgjë tjetër s’do t’i mungojë në jetë.

“Kjo është familja ime! Sa të kem Zotin para dhe familjen, s’do më mungojë asgjë tjetër në jetë!”, shkroi ajo krahas imazhit.

Aktorja zyrtarizoi lidhjen me Shpëtim Karakushin në muajin gusht të vitit 2018. Verën e vitit të kaluar, në një intervistë në “Instastory” me fansat e saj, Rozana jo vetëm që konfirmoi se do t’i japë fund beqarisë, por tha se dasma do të ndodhë më shpejt nga ç’e kemi pritur.

Analisti dhe profesori Mark Marku, i ftuar në emisionin “Opinion”, ka treguar një prapaskenë të përdorur lidhur me përfshirjen në listë kandidates së pritet ta zëvendësojë në Kuvend pas dorëheqjes së tij nga mandati i deputetit.

Marku tha se kandidatja që pritet të zërë vendin e tij në Kuvend, Elda Hoti, ishte futur në listat e PD-së nga kryetari Lulzim Basha dhe sekretari i Përgjithshëm, Gazment Bardhi.

Fillimisht ata kishin tentuar ta fusnin si kandidate të PD, dhe pas rezistencës së Markut, Hoti ishte propozuar nga Partia Republikane, ku demokrati nuk mund të ndërhynte në propozimet e aleatëve.

“Kam bërë rezistencë të madhe për listat, sherret më të mëdha i kam bërë aty. U kam thënë nuk shkoj në krye të disa batakçinjve. Për zonjën Hoti nuk e dija sepse kisha propozuar një djalë shumë të mirë, të ri, fantastik nga Rrësheni, mësues.

E heqin dhe fusin këtë Eldën. Nuk e dija që ishte deputete. Lulzim Basha dhe Gazment Bardhi e kanë futur këtë. Unë thash nuk e njoh. Më thanë deputete. U thash aq më keq. A jeni në vete? U thash. Më thanë deputete e LSI-së, që kishte qëndruar në parlament. U thashë, absolutisht jo.

Sikur bëhen këto perversitetet e vogla në politikë, një ditë më pas e futën, më thanë nuk kemi cfarë ti bëjmë aleatit. E futën përmes partisë së Mediut. Normalisht nuk kisha mundësi me përcaktuar listën. Në fillim tentuan ta fusin përmes PD-së, por nuk pranova unë” tha ai.

Rudina Dembacaj rrëfeu dje të gjitha të rejat nga jeta e saj. Aktorja pranoi para publikut se do të veshë fustanin e bardhë, por datë nuk ka ende, ama është e vendosur që të martohet në kishë.

“Jemi të dy katolikë dhe dëshira është të martohemi në kishë”, ka rrëfyer Rudina.

Ndërsa përsa i përket një bebeje, Rudina pranoi se fëmija do vijë pas dasmës, ama për momentin nuk është shtatzënë.

“Para se të bëj fëmijën dua të dehem edhe njeherë”, tha me të qeshur ajo gjatë bisedës.

Me sa duket, Rudina e Marku do të çelin sezonin e ri të dasmave.

Nga 15 ministri që janë në total në qeverinë e re të Edi Ramës, 12 prej tyre kanë ministre gra, mirëpo për analistin Andi Bushati kjo nuk përbën risi.
Kabineti i qeverisë Rama ka në përbërje të tij gra pa karakter, tha Andi Bushati në emisionin “Shock”, duke i cilësuar ministret si “femra që shërbejnë si stoli” dhe që sipas tij janë në atë detyrë vetëm sepse i ka emëruar kryeminsitri Rama.

“Ne kemi parë në qeverisjen e Rilindjes gra që e quajnë shefin Skënderbe, gra që e quajnë artist i përmasave evropiane”, tha Andi Bushati.

Për analistin 12 ministret nuk kanë mëndin të lirë individual dhe as kanë kontribuar në politikën shqiptare më përpara.

“Janë femra të katapultuara nga kryeministri. Janë njerëz me aq pak respekt për veten, njësoj si burrat e asaj qeverie, që e marrin vesh nga televizioni se janë ministre”, u shpreh Bushati.

Analisti Baton Haxhiu tha se shoqërinë shqiptare e respekton më shumë nga rolin i grave.

“Bushati i quajti gratë femra. Për dallim nga Bushati, unë shoqërinë shqiptare e respektoj më shumë përmes femrave se meshkujve. Janë të ndërgjegjshme, janë më të përkushtuara dhe janë luajale ndaj institucioneve”, tha ai.

Por në debat e sipër ndërhyri Bushati duke thënë se nuk kishte dëgjuar një argument të tillë, të cilin e cilësoi si qëndrim seksist.

“Qasje me seksiste se kjo nuk kam dëgjuar ndonjëherë”, tha Bushati.

Baton Haxhiu insistoi tek argumenti e tij, duke thënë se etiketimet e Bushatit kanë doza të larta seksizmi. Ai u shpreh se caktimi i grave në qeveri, jo domosdoshmërisht lidhet me risinë.

“Pjesa jote ishte më seksiste se e imja. Jo nuk është risi, nuk ka asnjë lidhje. kam vërejtje për ndërtimin, rezultatet nuk i di, mund t’i paragjykoj rezultate. Gratë e qeverisë Rama duhet ta dëshmojnë se nuk janë thjesht femra”, tha ai

Orinda Huta nuk nguron të ndajë me ndjekësit momente nga periudha më e bukur e jetës së saj.

Janë bërë disa javë që kur moderatorja mirëpriti fëmijën e parë me partnerin Turjan Hysko.

Ndryshe nga shume çifte të showbizz-it, ata kanë zgjedhur të tregojnë gjithçka rreth saj.

Së fundmi, Orinda ka ndarë disa imazhe të reja nga bregdeti me vogëlushen e saj që tashmë e shoqëron kudo.

“Po bëhen thuajse dy muaj që unë nuk shkëputem fare po fare prej teje…e nuk më vjen të largohem nga arome jote..me gjithë lodhjen që po përjetojmë të dyja për t’u futur në rutinë, sërish nuk lodhem së kaluari kohë me ty…vetëm ne të dyja…kudo me mua…kudo me ty. Atara ime. Si i bëhet mi mama???”, shkroi ajo.

Aktorja e famshme Kate Hudson i la të gjithë gojëhapur, ndërsa morri pjesë në Festivalin e Filmit në Venecias.

Kate u vesh me një fustan të vogël të zi, që rezultoi të ishte pamja e saj më e guximshme dhe më e rrezikshme deri më tani.

Për të shënuar rastin e veçantë, ylli i “How to Lose a Guy in 10 Days” doli në një krijim Mônot, i cili paraqiste një prerje dramatike deri në kofshë dhe prerje ekstreme që shfaqnin fizikun e saj të tonifikuar.

Ajo vendosi bizhuteri Crivelli dhe e kombinoi veshjet me taka të mahnitshme. Hudson u stilua nga Sophie Lopez.

Aktorja postoi një fotografi të zjarrtë në Instagram, duke shkruar me butësi, “‘Para se të dilni nga shtëpia, shikoni në pasqyrë dhe hiqni një gjë” – teksa citonte Coco Chanel.

Vëmendjen e plotë sigurisht e morri fustani i saj, pasi grimin dhe flokët ishin rregulluar në mënyrën më të thjeshtë të mundshme.

Një gjë është e qartë: Pavarësisht nëse ajo është në shtëpi apo në Venecia, fansat gjithmonë mund të mbështeten në Kate për veshje që lënë pa fjalë.

Pas një periudhe relaksimi, Dua Lipa i është rikthyer projekteve muzikore dhe ka bashkuar forcat me legjendën, Elton John.

Kënga e saj më e re, një remix ka ardhur para pak kohësh në bashkëpunim me artistin e madh që mban titullin “Cold Heart”.

Ky bashkëpunim ka arritur të ngjitet në krye të tabelës dhe është projekti i dytë i Sir që ka zënë vendin e parë këtë vit pas “It’s a Sin” në bashkëpunim me Olly Alexander.

“Epo në moshën time, të kesh një këngë të parën në tabelë është një surprizë e jashtëzakonshme, një arritje. Pra, dy është qesharake. Dua të them se kjo është një ëndërr e realizuar”, u shpreh Sir Elton John duke folur me prezantuesin e Big Top 40, Will Manning.

Congratulations to @eltonofficial and @DUALIPA ! ‘Cold Heart’ has claimed Number 1 spot on the UK’s biggest chart show 🙏 pic.twitter.com/Ch4hJ5YOUy

— The Official Big Top 40 (@BigTop40) September 5, 2021

Dikur ishin mike dhe rivale, ndërsa sot ndjekësit i konsiderojnë armike brenda natës. Fjala është për dy moderatoret e “Top Channel”, arbana Osmanin dhe Luana vjollcën, të cilat komentet komplimentuese për projektet e njëra-tjetrës, i kanë zëvendësuar me kunjat në distancë.

‘Molla e sherrit’ ishte pikërisht projekti “ Big Brother Vip”, që në fillim iu besua Luanës, dhe më pas iu dha përfundimisht Arbanës, duke lënë Luanën me hatërmbetje, aq sa thuhet se mund të jetë larguar nga “Top Channel”.

Ndërkohë, ajo ka prezantuar projektin e saj më të ri. Gjatë festës së 30-vjetorit, Luana vendosi të improvizonte “shiko kush luan” dhe para se të thoshte disa fjalë, me humor thirri edhe kapitenët.

Luana zbuloi se atë që e quan “projekti i jetës” dhe do ta titullojë “Thuaje”, ku do të ketë histori të vërteta.

Ky është projekti i saj personal, teksa gjatë fjalimit bëri edhe një batutë duke thënë: “Në cilin televizion do e shohim këtë Luanën?”

Mos ndoshta nëpërmjet këtij fjalimi konfirmoi zërat që kanë qarkulluar për largimin nga “Top Channel”?

Ndërkohë që Arbana ka nisur lançimet e “Big Brother Vip”, duke njoftuar ndjekësit se tashmë është gati për rikthimin në tetor në ekran, me formatin që nisi 13 vite më parë.

Në lidhje me rivalitetin e tyre, ishte e para Luna që me anë të një postimi u dha përgjigje këtyre lajmeve.

“Nuk ka konkurrencë. Je vetëm ti përballë teje”, thuhet në postimin e shpërndarë nga moderatorja.

Ndërsa Arbana e rezervoi përgjigjen e saj nga Prishtina, pasi ishte e ftuar në Festivalin e Filmit Ndërkombëtar në Kosovë, ku shoqëronte partnerin e saj regjisor, Eduard Grishajn.

Osmani u ndal që të jepte një intervistë të shkurtër për mediat në Kosovë, ku një pyetje ngacmuese e gazetarit të “ATV” ishte edhe rreth raportit të saj me moderatorin Luana Vjollca.

Arbana vendosi t’i përgjigjet pyetjes së gazetarit shkurt duke thënë: “Nuk merrem me përgënjeshtrime portalesh dhe me pohime protalesh sepse kam shumë punë të tjera për të bërë”, duke lënë të kuptojmë se diçka të vërtetë ndoshta edhe mund të ketë.

E gjithë kjo vjen pasi javë më parë në portalet online u fol se midis dy moderatorëve kishte një krisje dhe ato thumbonin njëra tjetrën në distancë.

Në media u përfol se raporti mes tyre ishte përkeqësuar kur u tha se të dyja ishin pretendente për modelimin e “Big Brother Vip”.

Thuhet se ajo takoi Lori Hoxhën, e cila do të jetë producentja, dhe rimori në duart e saj projektin e famshëm, që për herë të parë do të ketë protagonistë personazhe të famshëm.

Sipas burimeve brenda televizionit, Luana ia kishte ‘rrëmbyer’ fillimisht këtë program Arbanës.

Luana dhe Lori Hoxha, u takuan dhe postuan një foto ku kishin dalë bashkë si për të thënë se një projekt i ri po vinte.

Ndërsa direkt pas këtyre thashethemeve, ishte vetë Luana, e cila postoi një foto me tekstin “Luana Vjollca të vëzhgon”, duke konfirmuar lajmet se do te ishte prezantuesja, me moton e njohur të këtij “reality show”.

Pas kësaj situate nuk dihet çfarë ndodhi dhe ndërkohë Luana fshiu foton ku jepte mesazh për “Big Brother VIP”, nga ana tjetër pranë Lorit po shihej Arbana.

Vendimi ishte rishikuar dhe sapo ishte marrë vendimi i ri: “BBV” e merr në dorë Arbana!”