Sporti

Pas humbjes nga Rayo Vallecano, Barcelona ka shkarkuar trajnerin Ronald Koeman shkaku i rezultateve të dobëta.

Eksperti i merkatos, Romano me anë të një postimi në “Facebook” konfirmoi se Xavi më favorit për të marrë drejtimin e Barcelonës.

“Xavi është ende duke u konsideruar favoriti për të marrë punën e Barcelonës. Ai do donte të rikthehej siç ka njoftuar më herët. Bordi i Barcelonës kontaktoi Xavin para disa javëve. Ende në pritje për të vazhduar bisedimet. Trajneri i Belgjikës, Roberto Martinez është në listën e Laportës”, shkruan Romano.

Ditët e ardhshme do jenë vendimtare, ku edhe do mësohet nëse Xavi do e merr stolin e blaugranasve.

Ditët e fundit, po flitet nëpër media për ‘’ Topin e Artë’’, se cili do jetë fituesi.

Tifozët janë në kureshtje të madhe se cili prej lojtarëve të shkathët të sportit do kurorëzohet me ‘’Topin e Artë’’.

Gara për “Topin e Artë” ka filluar me Messi, Rondaldo, Benzema, Leëandoëski etj, që janë vetëm disa nga lojtarët pjesmarrës që luftojnë mes tyre në distancë, për të privatizuar këtë çmim të rëndësishëm.

Sir Axel Fergunson mendon se fituesi i këtij çmimi të madh individual duhet të jetë Cristiono Ronaldo, sepse sipas tij është lojtari më i mirë këtë vit duke u bërë golashënuesi më i mirë në histori me ekipet ku ai ka luajtur.

“Cristiano Ronaldo e meriton Topin e Artë. Këtë vit ai ka thyer rekord pas rekordi” shprehet Fergunson.

Gjithashtu 79-vjeçari këmbëngul se arritjet e sulmuesit portugez janë mbreslënëse dhe se ai duhet të jetë pronari i “Topit të Artë”.

“Golashënuesi më i mirë në historinë e Real Madrid (451 gola) është golashënuesi më i mirë historik në Ligën e Kampionëve (136) dhe kombëtaren Portugeze (115). CR7 ka 795 gola në 1,084 ndeshje.

Nuk është rekordi i vetëm që Cristiano zotëron. Gjatë vitit 2021 është bërë golashënuesi kryesor i të gjitha kohërave në nivel kombëtar. 115 golat e tij me Portugalinë e lejuan atë të kalojë rekordin e Ali Daei (109). Përveç kësaj, me këtë shifër ai ka arritur të mposhtë edhe Sergi Ramos (180) për t’u bërë lojtari evropian me më shumë ndeshje (182)”, përfundon Fergunson.

Ronaldo është 5-herë fituesi I “Topit të Artë” dhe këtë herë ka hedhur kanditaturën për të 6-tin. Ai tashmë e fitoi atë me United në 2008 dhe me Real Madrid në 2013, 2014, 2016 dhe 2017.

Florend Kalivopulli ka paralajmëruar ditën e sotme se do të japë dorëheqjen për shkak të asaj që ka ndodhur në Shkodër.

Presidenti i Federatës së Boksi bëri me dije se në ditët në vijim do të thërrasë KE te Federates Shqiptare te Boksit për t’i dorëzuar dorëheqjen.

Në një status në Facebook, ai thotë se me të drejtë komuniteti i boksit është i shqetësuar, prandaj dhe ai ka vendosur të dorëhiqet. Gjithesi ai jep mesazhin e fortë që boksi nuk duhet te ndalet.

Grushta edhe jashtë ringut. Kështu ka përfunduar ndeshja mes Alban Beqirit të Tiranës dhe Arjon Kajoshit të Vllaznisë në boks diten e djeshme. Tifozët e boksierët e ekipeve respektive kanë nisur konflikt fizik mes tyre në parketin e pallatit të sportit “Qazim Dervishi”.

Reagimi i plote:

Te dashtur miq!

Duke reflektuar ndaj komunitetit te boksit, i cili me te drejte eshte i shqetesuar kam vendosur qe ne ditet ne vazhdim te therras KE te Federates Shqiptare te Boksit dhe tju kerkoj atyre doreheqien time.

Shkak per kete gje ishin incidentet e djeshme ndodhur ne qytetin e Shkodres gjate zhvillimit te Kampionatit Kombetare.

Jam munduar qe me pasion dhe dashuri pa fund te beja me te miren. Boksi nuk duhet te ndalet. Rrugetimi i tij e premton…

Leo Messi këtë verë u largua nga Barcelona dhe është bashkuar me PSG. Në media ëshët folur shumë për një kalim të argjentinasit në MLS tek Inter Miami.

Drejtuesit e klubit amerikan nuk e kanë fshehur kurrë dëshirën për ta transferuar yllin e sulmit, të konsideruar si një nga më të mëdhenjtë e historisë së futbollit.

Së fundmi në lidhje me kalimin e Messit tek Inter Miami është ngacmuar edhe Gonzalo Higuain, i cili pjesë e skuadrës që garon në MLS.

Në intervistën e dhënë për ESPN, Higuain fillimisht tha: “Mos më fut në telashe. Nuk e kam idenë nëse Leo mund të vijë në Miami apo jo”.

Më tej ai shtoi: “Kam edhe një vit kontratë, kurse Leo ka nënshkruar për 2 apo te vite me Parisin. Klubi e do atë, le të shohim. Në fund të kontratës do të pushoj, larg futbollit dhe gjithçkaje tjetër”.

Autoritetet olimpike ndërkombëtare kanë pezulluar Korenë Veriore deri më 2022, për shkak të dështimit të Phenjanit për të dërguar ekipin në Lojërat Olimpike Verore që janë mbajtur muajin e kaluar në Tokio.

Presidenti i Komitetit Olimpik Ndërkombëtar, Thomas Bach, ka bërë të ditur këtë ndëshkim që, pezullon mbështetjen financiare dhe ia pamundëson Koresë Veriore pjesëmarrjen në Lojërat Olimpike Dimërore, të cilat mbahen vitin e ardhshëm në Pekin.

“Komiteti Olimpik Kombëtar i Republikës Demokratike Popullore të Koresë, do të pezullohet deri në fund të vitit 2022 si rezultat i vendimit të njëanshëm për të mos marrë pjesë në Tokio”, ka thënë Bach në një konferencë për media.

Megjithatë, ai ka thënë se Komiteti Olimpik Ndërkombëtar do të marrë vendime individuale ndaj atletëve verikoreanë – skenar i ngjashëm me atë të ndalesës së ekipit kombëtar të Rusisë, disa pjesëtarë të së cilës janë lejuar të marrin pjesë në Lojërat e Tokios këtë vit.

Koreja Veriore ka qenë shteti i vetëm në botë që nuk ka dërguar asnjë prej atletëve të saj në Tokio.

Komiteti Olimpik Ndërkombëtar i ka ofruar zgjidhje Koresë Veriore, duke i ofruar edhe ndihmë me vaksinat kundër koronavirusit, mirëpo ofertat janë “refuzuar vazhdimisht” nga zyrtarë olimpikë verikoreanë. 

Christian Eriksen mund të rikthehet në stërvitje muajin e ardhshëm.

Mesfushori i Interit do të kryejë disa teste mjekësore me një kardiolog danez i cili pritet të japë vendimin përfundimtar për karrierën e futbollistit.

Eriksen për momentin është në Milano dhe po relaksohet me familjen e tij duke pritur nëse mund të fillojë të luajë përsëri pas incidentit shokues që ndodhi në “Euro 2020”.

Danezi i ra të fikët në fund të pjesës së parë në ndeshjen e parë kundër Finlandës në “Parken Stadium” dhe i ishte bërë CPR-ja në fushë para se ai të dërgohet në spital.

Doktorët danez konfirmuar se Eriksen vuajti nga një arrest kardiak dhe i implatuan atij një defibrilator në zemër, që do të thotë se karriera e tij në Serie A do të përfundojë nëse ICD mbetet përgjithmonë.

“La Gazzetta dello Sport” raporton se ai do të kthehet në Odense në pak ditë apo brenda muajit, ku ai do ta bëj një kontrolle të kardiologët danez të cilët e kanë dosjen e tij që nga qershori.
Mjekët danez janë në kontakte të vazhdueshme me stafin mjekësor të zikalërve dhe do të kenë një takim me ta muajin e ardhshëm që raportohet se është deciziv për të mësuar kur Eriksen do të kthehet në stërvitjet.

Gazeta thotë se ai do të fillojë stërvitjet individuale, me biçikletë, vrapime dhe të luajë futboll në një fushë sportive afër shtëpisë e tij.

Shqipëria ka shanse reale për tu kualifikuar për herë të parë në një Kampionat Botëror.

Pas 6 ndeshjeve në Grupin I, kuqezinjtë mbajnë vendin e dytë me 12 pikë, 1 më shumë se Polonia e vendit të tretë dhe 4 më pak se Angtlia kryesuese.

Ndërkohë për sa i përket Hungarisë, kundërshtar të cilin e mundëm më 5 shtator, ata momentalisht ndodhet në vendin e katërt me 10 pikë të grumbulluara.

Pa dyshim, për të arritur kualifikimi, që mund të na çonte në fazën “play off” mes vendeve të dyta në grup, Shqipërisë i duhet të mposhtë Hungarinë dhe Poloninë në ndeshjet e mbetura.

Dy sfidat e tetorit janë vendimtare për skuadrën e Rejës që do të përballet me dy kundërshtarë direkt që synojnë vendin e dytë.

Nëse Shqipëria fiton në Hungari si dhe fiton më pas me Poloninë në “Air Albania” shanset për vendin e dytë do të shtoheshin shumë. Në rast se gjithçka shkon sipas parashikimeve dhe Shqipëria i mbyll eliminatoret në vendin e dytë atëherë skuadra kuqezi do të luajë sfidën e fundit dhe vendimtare në “Play Off”.

Renditja:

Të gjitha ndeshjet e ardhshme të Grupit I:

Trajneri i përfaqësues shqiptare, Edi Reja u shfaq i lumtur pas fitores 5-0 ndaj San Marinos në ndeshjen e vlefshme për eliminatoret e Kampionatit Botëror.

Tekniku italian theksoi se ekipi i tij luajti shumë mirë por kishte edhe pakënaqësi me disa lojtarët që në disa momente kishin ngadalësuar manovrën.

“Në pjesën e parë luajtëm mirë por ishim pak konkretë, ndërsa në pjesën e dytë kemi luajtur më pak mirë por ishim më konkretë. Në pjesën e parë bëmë manovra të mira por nuk finalizuam. Në pjesën e dytë ishim më shumë finalizues se vendosa në fushë Brojën e Roshin, më të fortë fizikisht. Ata u lodhën, ne gjetëm golin e dytë dhe gjerat u bënë më të thjeshta.

Nuk më pëlqeu që dikush bënte pasime me thembër, të vonohej manovra. Mua më pëlqen në 90 minuta të kesh ritëm të lartë, duhet luajtur, si kemi bërë në pjesën e parë.

6 pikët janë ato që kishim parashikuar dhe kemi thënë që nëse duhej të ishim konkurrues, duhej të fitonim këto ndeshje. Mendonim të bënim pikë në Poloni, por nuk ishim me fat. Ekipi po luan mirë, djemtë po besojnë dhe jemi një grup i mirë. Shpresoj të vazhdojmë kështu deri në fund dhe mund të ëndërrojmë. Të rinjtë janë përgjigjur mirë, është Bajrami që na jep cilësi në mesfushë, është Broja që po pret gati, është lojtar i rëndësishëm. Unë po kërkoj lojtar por edhe për të vazhduar me këta lojtarë se ka harmoni, argëtohen në stërvitje dhe në ndeshje.

Ishim në pankinë në 5-0 po më thoshin që fitonte Anglia, ishim të lumtur. Por pastaj erdhi një dush i ftohtë me golin në shtesë. Por nëse duam të vazhdojmë ëndrrën, duhet të mundim Poloninë këtu. Tani jem të dytët, është rezultat i rëndësishëm. Duhet të mbajmë këtë pozicion, çdo ndeshje mund të luhet. Nëse luajmë me vëmendje, kjo skuadër mund të bëjë mirë kudo.

Broja ishte shumë i aftë se u tregua altruist, se gjen lojtarët, nuk është se vetëm kërkon golin. Kjo më kënaq se ka treguar përulësi, di çfarë do të thotë një shok, të jesh bashkë, ai ta jep topin. Ashtu edhe Uzuni, më pëlqen kjo lloj sjellje, jo një egoist. Kjo është diçka e mirë, kur shoku është në pozicion më të mirë duhet të pasosh. Kjo është ndër gjërat më të mira të ndeshjes”, tha Reja.

Konsiderohej si një ndeshje gati “e pamundur” dhe ashtu ndodhi, edhe pse Kosova luajti pa frikë dhe megjithëse u mund me shifrat 0-2, tregoi se është një skuadër që luan futboll deri ne fund. Por, Spanja beri diferencen me cilesine qe zoteron.

Siç pritej kishin topin në zotërim dhe gjetën e golin në minutën e 32-të me yllin e West Ham, Pablo Fornals. Edhe në pjesën e mbetur Spanja e diktoi lojën, por Kosova u shfaq në disa raste e rrezikshme në portën e Unai Simon.

Në minutën e 88 Kosova e pëson sërish, me Ferran Torres autor të golit dhe Spanja merr tre pikët, aq të nevojshme në këtë sfidë mjaft të vështirë, ashtu siç e kishte parashikuar edhe Luis Enrique. Spanja kryeson me 15 pikë pas 6 ndeshjeve, ndërsa Kosova renditet e katërta me 4 pikë pas 5 sfidash.

Të tjerat – Pas dy barazimeve radhazi, Italia është “zbrazur” duke shënuar plot 5 gola ndaj ekipit të fundit të grupit C. Ndeshja u zhbllokua nga sulmuesi më i ri i Juventusit, Moise Kean në minutën e 11’, e vetëm 3 minuta më vonë do të vinte edhe autogoli nga Utkus. Nuk të përfundonte me kaq, pasi në pjesën e parë do të vinin gola nga Raspadori në minutën e 24’ dhe sërish Kean në të 29’. Di Lorenzo do të shënonte në minutën e 54’ golin e pestë dhe të fundit.

Italia vazhdon të jetë e para e grupit me 14 pikë, ndërsa Lituania e fundit me 0 pikë.

Gjermania fiton pa problem ndaj Islandës, me rezultatin e pastër 0-4. Për “panzerat” fillimisht zhbllokon rezultatin Gnabry në minutën e 4’, më pas dyfishon rezultatin Rudiger në të 24’. Sane shënoni edhe të tretin në minutën e 56’ dhe Werner do të vuloste gjithçka në minutën e 89’.

Pas kësaj ndeshje, ekipi i drejtuar nga Flick mban vendin e parë me 15, pikë ndërsa Islanda renditet e 5 me 4 pikë.

Belgjika nuk do ta kishte të lehtë përballë Bjellorusisë, pasi do të arrinte të fitonte me rezultatin minimal 0-1.

Goli u shënua nga Praet në minutën e 33’. Belgët vazhdojnë të shkëputen në krye më 16 pikë, ndërsa Bjellorusia renditet në vendin e 4 me 3 pikë.

Ditën ë mërkurë në orën 20:45 Kombëtarja pret San Marinon në “Elbasan Arena” në ndeshjen e vlefshme për eliminatoret e Kampionatit Botëror.

Triumfi ndaj Hungarisë ka ngritur humorin dhe besimin e kuqezinjve për një kualifikim historik të Shqipërisë në “Katar 2022”.

Jo vetëm lojtarëve, por edhe trajnerit Reja dhe ndihmësve të tij u dallohej nga larg buzëqeshja, duke lënë të kuptohet se gjithçka është “OK” dhe janë gati për t’i shkuar misionit deri në fund.

Në përballjen me San Marinon, Reja do të ketë disa mungesa të sigurta për shkak dëmtimesh dhe të tjera për pezullim nga kartonët e verdhë. Duke marrë parasysh forcën e kundërshtarit dhe mungesat e shumta, me shumë gjasa do të shohim një Shqipëri krejtësisht ndryshe nga ajo që triumfoi me Hungarinë.

Shqipëria, formacioni i mundshëm (3-4-1-2): Strakosha, Ismaili, kumbulla, Mihaj, Hysaj, Bare, laçi, Hoxhallari, Bajrami, Uzuni dhe Manaj.