Pikat e shiut nuk kanë formë si ajo e lotit kur ato formohen. Forma e tyre është pothuajse e rrumbullakët.
Siç citon James E. McDonald në një artikull të Gazetës së Meteorologjisë me titull “The Shape and Aerodynamics of Large Raindrops”, pikat e shiut mund të marrin edhe formë e një rrethi në rastet kur ato janë mjaft të mëdha.
Ju mund të mendoni se është rezistenca e ajrit ajo që gjatë rënies së pikave të shiut ia jep këtë formë atyre. Por e vërteta është se rezistenca e ajrit në vend të kësaj thjeshtë sheshon pjesën e përparme të pikës. Sa më e vogël të jetë pika e shiut, aq më i vogël është efekti i rezistencës së ajrit dhe aq më sferike bëhet pika e shiut.
Pra, pikat e vogla të shiut janë sferike, nuk kanë formë loti. Ndërsa pikat e mëdha të shiut duken si sfera të rrafshuara.
Ndoshta ky keqkuptim vjen si rezultat i faktit që pikat e shiut që ‘rrëshqasin’ përgjatë një dritareje janë në formë të njëjtë më lotët që ‘marshojnë’ nëpër fytyrën tuaj.
Në këtë rast përgjigja është e përmbashkët: fërkimi. Dritarja, ose lëkura juaj, ka fërkim të mjaftueshm për t’i ‘sajuar’ një bisht formës së rrumbullakët të pikës së shiut, përkatësisht lotit. Pra, nuk është ajri.
Marrë nga: “Pyetjet shkencore me përgjigje befasuese”, pyetje të cilës i’u përgjigj Dr. Christopher S. Baird – profesor i Fizikës në Universitetin A&M të Teksasit Perëndimor.