Kryeqyteti i Kinës, Pekini u zgjua me qiellin e verdhë këtë të hënë si pasojë e stuhisë më të madhe të rërës që ka parë vendi gjatë kësaj dekade. Stuhia ka shkaktuar një frikë të madhe te qytetarët se mund të shkaktojë ndonjë problem të ri shëndetësorë.
Pluhuri i trashë i verdhë ka mbështjellë monumentet ikonike të Pekinit, duke përfshirë Qytetin e Ndaluar, dhe gradaçelat në qendër të qytetit që ndonjëherë zhduken nga pamja.
Dukshmëria në kryeqytet u zvogëlua në më pak se 1,000 metra (3,300 metra), njoftoi agjencia e lajmeve në Kinë, duke detyruar banorët që të vendosnin kapele të improvizuara kur të dilnin jashtë për të mbrojtur fytyrat e tyre.
Observatori Meteorologjik i Pekinit paralajmëroi që të moshuarit, fëmijët dhe njerëzit që vuajnë nga frymëmarrja duhet të qëndrojnë brenda. Ajo tha që banorët e qytetit duhet të mbajnë maska, garzë ose produkte të tjera kur dalin nga shtëpia dhe të lajnë fytyrën kur të kthehen në shtëpi.
“Duket si fundi i botës”, tha për Reuters banori i Pekinit, Flora Zou, 25 vjeç, i cili punon në modë. “Në këtë lloj moti, unë me të vërtetë, nuk dua të jem jashtë.”
Qendra Kombëtare Meteorologjike e Kinës lëshoi një alarm të hënën në mëngjes, duke thënë se rëra dhe pluhurit që vjen nga Mongolia fqinje do të ndikojnë në 12 provinca dhe rajone në të gjithë veriun, nga Xinjiang në pjesën veriperëndimore deri në Heilongjiang në verilindje dhe kryeqytetin Pekin.
“Kjo është stuhia më e madhe e rërës në Kinë në 10 vitet e fundit, dhe zona e prekur nga stuhia e rërës është gjithashtu më e gjerë se në dekadën e kaluar,” tha qendra në faqen e saj të internetit.
