Është hedhur sot në Stamboll, shorti për fazën e grupeve të kompeticionit evropian për klube, Europa League. 32 skuadra të ndara në grupe, do të luftojnë për të siguruar një vend në fazën tjetër, atë të 1/16.
Nga 8 grupet e përcaktuara, grupi D shihet si më i forti, ku ndërmjet tyre do të përballen skuadra jo pak të rëndësishme në Europë, si Olimpiakos, Frankfurt dhe Fenerbahçe.
Në këtë kompeticion, luajnë edhe disa shqiptarë, ku Lazio i Strakoshës dhe Hysaj bën pjesë në grupin E, dhe do të përballet me Gallatasarajin, Marsejën Lokomotivën e Moskës.
Një short deri diku i pranueshëm për Ferencaroshin e mesfushorit shqiptar, Myrto Uzuni. Hungarezët bëjnë pjesë në grupin G, dhe rival kryesor do të kenë gjerman e Bayer Leverkusen.
Napoli do të ketë një përballje të vështirë në grupin C me anglezët e Leicester, teksa nuk duhen nënvlerësuar edhe 2 ekipet e tjera si Spartaku i Moskës ku bën pjesë shqiptari Jurgen Çelhaka dhe Legia e Varshavës ku aktivizohet Ernest Muçi.
Grupet e Europa League
Grupi A:
Lion, Rejnxhërs, Sparta e Pragës, Brondbi
Grupi B:
Monako, PSV, Real Sosiedad, Shturm Graz
Grupi C:
Napoli, Lestër, Spartaku i Moskës, Legia e Varashvës
Grupi D:
Olimpiakos, Ajntrakt Frankfurt, Fenerbahçe, Antuerpen
Grupi E:
Lacio, Lokomotiva e Moskës, Marseja, Gallatasaraj
Grupi F:
Braga, Crvena Zvezda, Ludogorets, Midtjylland
Grupi G:
Bajern Leverkuzen, Sëlltik, Betis, Ferencvarosh
Grupi H:
Dinamo Zagreb, Genk, Uest Hem, Rapidi i Vjenës
