Tërmeti më i fuqishëm i rënë në Shqipëri këto 30 vitet e fundit, nxorri disa detaje të frikshme në sipërfaqe në lidhje me atë që mund të jetë shkaktari i tërmeteve në një nga zonat më sizmike në Durrës. Është fjala për atë që njihet si “Kanali i Kuçedrës”, që ndodhet në Gjirin e Lalzit , sipas një legjende urbane thuhet se aty kanë rënë mbi 500 tërmete brenda 3 ditëve. Gojëdhënat e tregojnë kështu legjendën e saj : “Në një ditë me shi nga deti doli një kuçedër e cila donte t’i shpëtonte rrufeve që po shkaktonte stuhia. Rruges kur ajo po ecte i dolën përpara tre dragonjë që e ndaluan të ecte me tutje për të mos bërë dëme më tej. Ky kanal shkarkon ujrat e kënetës në det dhe sipas gojëdhënave, ekziston prej 3 shekujsh. Uji që del prej aty është me flluska ajri, që do të thotë, se ka shkarkim të energjisë së nëndheshme. Kanali i Kuçedrës ndodhet në mes të Gjirit të Lalëzit në distancë të barabartë nga Kepi i Rodonit dhe Bishti i Pallës. Ky kanal është mbushur me mijëra metër kub beton, duke u bllokuar totalisht dhe energjia nëntokësore nuk ka ku të shkarkohet duke sjellë lëkundje dhe tërmete!
