Për të gjithë lojtarët që do të marrin pjesë në aktivitetin madhor, Kupa e Botës 2022, vendi organizator Katari do ta bëjë vaksinimin me dy doza të detyrueshëm.
Autoritetet mjekësore të Katarit tashmë, thuhet se kanë diskutuar me FIFA-n dhe aktorët e tjerë në përpjekje për të siguruar që të gjithë lojtarët pjesëmarrës të jenë të vaksinuar me dy doza.
Një hipotezë tjetër në shqyrtim është se lojtarët No-Vax do të duhet të dorëzojnë teste negative çdo tre ditë.Qeveria e Katarit ka njoftuar gjithashtu se të gjithë tifozët që do të jenë në stadiume do të duhet të vaksinohen.
“Në kohën e pandemisë, Katari, si vend pritës, do të japë garancitë e nevojshme për të mbrojtur shëndetin dhe sigurinë e të gjithë atyre që janë të përfshirë në aktivitet.” Të gjithë pjesëmarrësit duhet të ndjekin këshillat e autoriteteve të Katarit dhe udhëzimet më të fundit nga Ministria e Shëndetit Publik.
Informacioni i plotë mbi masat e sigurisë Covid-19 do t’i komunikohet të gjitha grupeve ndërsa i afrohemi Kupës së Botës, “tha një zëdhënës i FIFA-s për The Athletic.