Me 69 vota pro, 33 kundër dhe asnjë abstenim, Glauk Konjufca nga Lëvizja Vetëvendosje u zgjodh kryetar i Kuvendit të Kosovës.
Konsitutimi i kuvendit i hap rrugë formimit të ekzekutivit të ri, 37 ditë pas mbajtjes së zgjedhjeve të parakohshme parlamentare. Me zgjedhjen në krye të kuvendit, Konjufca merr edhe postin e ushtruesit të detyrës së presidentit, ndërkohë që për zgjedhjen e Vjosa Osmanit me të drejta të plota, do të duhet edhe pak kohë.
Zgjedhja e presidentit në Kosovë kërkon një shumicë votash, të cilat për momentin Osmani nuk i ka, dhe pritet për ti parë se cilat do të jenë aleancat që do të bëjnë forcat politike.
“Unë zotohem që do ta kryej detyrën time me nderë, përgjegjësi e përkushtim”, tha Konjufca, duke shtuar se ai nuk do të bëjë dallime ndërmjet deputetëve. Teksa i dorëzoi detyrën, Osmani tha se Konjufca është deputet shembullor.
Kush janë 5 nëkryetarë
Gjithashtu, në seancën konstituive të legjislaturës së tetë janë zgjedhur edhe nënkryetarët. Nënkryetarët e Kuvendit të Kosovës në legjislaturën e VIII-të janë: Lëvizja Vetëvendosje është zgjedhur Saranda Bogujevci, Partia Demokratike të Kosovës (PDK) Bedri Hamza, dhe Lidhja Demokratike e Kosovës është zgjedhur Kujtim Shala.